Aqparattar aǵyny

* Elimizde Indýstrııa jáne jańa tehnologııalar mınıstrliginiń qoldaýymen «Turan tv» telearnasynyń tusaýy kesildi. Osy jyldyń 1 aqpanynan bastap efırge shyǵatyn telearna týrızmdi nasıhattap, halqymyzdy salamatty ómirge baýlıtyn habarlardy jáne salt-dástúrimiz týraly qundy derekterdi jurtshylyq nazaryna usynatyn bolady.

* Elimizde Indýstrııa jáne jańa tehnologııalar mınıstrliginiń qoldaýymen «Turan tv» telearnasynyń tusaýy kesildi. Osy jyldyń 1 aqpanynan bastap efırge shyǵatyn telearna týrızmdi nasıhattap, halqymyzdy salamatty ómirge baýlıtyn habarlardy jáne salt-dástúrimiz týraly qundy derekterdi jurtshylyq nazaryna usynatyn bolady.

* Qazaqstandyq sport­shy­­lar Sochı Olımpıa­da­­syna daıyndalý úshin Eýropaǵa attandy.Ulttyq qu­rama sapynda Alekseı Ko­rolev, Sabyrjan Momynov, Konstantın Soko­lenko, Marat Japarov, Radık Japarov jáne Alekseı Pchelın­sev bar.

*Astana qalasyndaǵy kópqabatty  48 turǵyn úıdiń  lıftisi aýystyrylady. Jalpy, bas qalada 4 myńnan astam lıft bar. Olar paıdalaný merzimine qaraı keleshekte kezeń-kezeńimen jańartylady.

*Almaty qalasy álem týrısteri úshin tartymdy 10 qalanyń qataryna endi. «The Rough Guide» basylymy jarııalaǵan saýaldamada saıahatshylardyń qalaýymen ońtústik astana 7-orynǵa taban tiregen. Statıstıkalyq derekke júginsek, elimizge keletin sheteldik týrısterdiń 80 paıyzy Almatynyń ásem tabıǵatyn tamashalaǵysy keledi.

*Qaraǵandy oblysy, Temir­taý qalasyndaǵy áleý­met­tik beıimdeý ortalyǵy bazasy ja­nynan áleýmettik patrýl qyzmeti quryldy. Bul jerde jumys isteıtin qyzmetkerler shaqyrý boıynsha qala kóshelerine shyǵyp, úı-kúıi joq adamdarǵa kómek kórsetedi. Osy arqyly áleý­mettik túıindi túıtkildi birtindep sheshýge múmkindik jasalǵaly otyr.

*Batys Qazaqstan obly­synyń Zelenov aýdanynda munaı ónimderin saqtaıtyn stansa salynýda. Jobanyń jalpy quny 1,3 mlrd. teńgeni quraıdy. Stansa iske qosylǵanda munda 9300 tonna munaı ónimi saqtalady.

*Keshe qarly burqasynǵa baı­lanysty «Astana – Qosta­naı» tas joly jabyl­dy. Mamandar búgin de bul jolǵa jolaýshylardyń saparlap shyqpaýy kerektigin eskertedi. Sondaı-aq, keshe «As­tana – Petropavl» tas joly da ishinara jabylǵan bolatyn.

*Shymkent qalasynda aldaǵy merzimde mýnısıpaldy avtopark paıdalanýǵa beriledi. Onyń jalpy quny 2 mln. teńgeni quraıdy. Bul qarjy jeke ınves­torlar esebinen bólingen.

Bnews.kz, Egemen.kz habarlary boıynsha daıyndaldy.