Osydan on shaqty jyl buryn Talas aýdanyndaǵy Amangeldi gaz ken ornyna burǵy tisi alǵash ret batyrylǵan kezdegi qýanysh ústinde kejegesi keıin tartqan keıbireýler «munyń qyzyǵyn kórgenshe kim bar, kim joq» dep ýaıym soǵyp edi.
«Kóringen taýdyń alystyǵy joq» degen ras eken.
Osydan on shaqty jyl buryn Talas aýdanyndaǵy Amangeldi gaz ken ornyna burǵy tisi alǵash ret batyrylǵan kezdegi qýanysh ústinde kejegesi keıin tartqan keıbireýler «munyń qyzyǵyn kórgenshe kim bar, kim joq» dep ýaıym soǵyp edi.
«Kóringen taýdyń alystyǵy joq» degen ras eken.
Oblystyń sol tustaǵy ákimi Serik Úmbetovtiń biliktiligimen júzege asqan joba ótken on jyldyń bederinde óńir ekonomıkasynyń damýyna aıtarlyqtaı úles qosty. Aýyldaǵy aǵaıyndar úshin eki qolǵa bir jumys ta tabyldy. Endi, mine, arman bolǵan sol gaz oblys ortalyǵynan shalǵaıda jatqan aýyl turǵyndarynyń úıine de kirgizile bastady.
Jaqynda oblys ákimi Kárim Kókirekbaev osy aýdandaǵy Talapty, Bostandyq, Aqqum, Tamabek jáne Seıilbek aýyldaryndaǵy úılerge qosylǵan tabıǵı gaz qýanyshyna ortaqtasyp qaıtty. Atalǵan aýyldardaǵy 2195 úıdiń ıeleri endi tabıǵı gazdyń qyzmetin aýylda otyryp-aq paıdalanatyn bolady. Ol úshin bıýdjetten ótken jyly 475, 3 mıllıon teńge jumsalypty. Bıyl jumys jalǵasyn taýyp, endi Sádý Shákirov, Oıyq jáne Turymqul aýyldary turǵyndarynyń otbasylaryna da tabıǵı gaz jetkizilip beriledi. Bul ıgilikke memleket qarjysynan 464,7 mıllıon teńge bólinipti.
Kósemáli SÁTTIBAIULY,
«Egemen Qazaqstan».
Jambyl oblysy,
Talas aýdany,
Talapty aýyly.