Keshe Premer-Mınıstr Serik Ahmetov Memleket basshysynyń Úkimettiń 2013 jylǵy 11 qazandaǵy keńeıtilgen otyrysynda bergen tapsyrmalaryn júzege asyrý máseleleri boıynsha keńes ótkizdi, dep habarlady Premer-Mınıstrdiń baspasóz qyzmeti.
Keshe Premer-Mınıstr Serik Ahmetov Memleket basshysynyń Úkimettiń 2013 jylǵy 11 qazandaǵy keńeıtilgen otyrysynda bergen tapsyrmalaryn júzege asyrý máseleleri boıynsha keńes ótkizdi, dep habarlady Premer-Mınıstrdiń baspasóz qyzmeti.
Ekonomıka jáne bıýdjettik josparlaý mınıstri Erbolat Dosaev habarlaǵandaı, 2013 jyly Is-sharalar josparynyń belgilengen barlyq pýnktteri merziminde oryndalǵan. Ol sondaı-aq, kóleńkeli ekonomıkaǵa qarsy is-qımyl jasaýdyń keshendi josparyn tolyqtyrý jóninde habarlap, memlekettik basqarýdyń deńgeıleri arasyndaǵy ókilettikterdi odan ári shekteý, jekeshelendirýdiń ekinshi tolqyny sheńberinde kásiporyndar men nysandar sanyn ulǵaıtý, memleket-jekemenshik áriptestigi jobalaryna damý ınstıtýttarynyń, zeınetaqy qorlarynyń, qarjy uıymdarynyń qarjylaryn tartý máseleleri boıynsha óz usynystaryn ortaǵa saldy.
Sol sııaqty keńeste júzege asyrylǵan is-sharalar boıynsha memlekettik organdar basshylarynyń esepteri tyńdaldy.
Memleket basshysynyń barlyq tapsyrmalary sapaly jáne ýaqytynda oryndalýy tıis. Bul jerde formaldylyqqa jol berýge bolmaıdy. Sondyqtan árbir memlekettik organ, árbir basshy barlyq tapsyrmalardyń júzege asý tetikterin taǵy bir ret qarap shyǵýy kerek. Biz bul máselelerdi turaqty negizde qarap turýdy odan ári de jalǵastyra beretin bolamyz, dep túıindedi sózin S.Ahmetov.