AQSh-ta vızalyq alaıaqtyq jasady dep aıyptalǵan Úndistan syrtqy ister mınıstrliginiń joǵary laýazymdy qyzmetkeri Devıanı Hobragade Nıý-Iorkten Delıge jetkizildi. Úndistan syrtqy saıasat vedomstvosy habarlaǵandaı, Hobragade Úndistan syrtqy ister mınıstrliginde jumysyn jalǵastyrmaq, al onyń balalary bolsa, burynǵysha AQSh-ta turyp jatyr.
Sharaına
Daýǵa ilikken dıplomat eline qaıtty
AQSh-ta vızalyq alaıaqtyq jasady dep aıyptalǵan Úndistan syrtqy ister mınıstrliginiń joǵary laýazymdy qyzmetkeri Devıanı Hobragade Nıý-Iorkten Delıge jetkizildi. Úndistan syrtqy saıasat vedomstvosy habarlaǵandaı, Hobragade Úndistan syrtqy ister mınıstrliginde jumysyn jalǵastyrmaq, al onyń balalary bolsa, burynǵysha AQSh-ta turyp jatyr.
2013 jyldyń jeltoqsanynda málim bolǵanyndaı, Hobragadeniń úı kútýshisi 2013 jyldyń jeltoqsanynda quqyq qorǵaý organdaryna dıplomat oǵan AQSh-ta belgilengen eń tómengi deńgeıden tómen jalaqy tóleıdi dep shaǵymdanǵan bolatyn. Sonyń saldarynan Hobragade vızalyq alaıaqtyq jasady degen kúdikpen qamaýǵa alynǵan edi. Jergilikti BAQ-ta jazylǵandaı, onyń úı kútýshisi úshin alynǵan vızalyq qujattarda onyń eńbekaqysy naqtyly tólengennen joǵary bolyp kórsetilgen.
Sodyrlar shabýyly sátsiz aıaqtaldy
Sırııa aýmaǵynda áreket etip júrgen sodyrlar ýlandyrǵysh gaz ázirleý úshin paıdalanylatyn hımııalyq zattar qory saqtalǵan qoımaǵa eki márte shabýyl jasap, olary sátsiz aıaqtalǵan. Bul týraly beısenbi kúni lıvandyq Daily Star gazeti aty atalmaǵan batystyq dıplomatqa silteme jasaı otyryp habarlaǵan kórinedi.
Onyń aıtýynsha, bul týraly Hımııalyq qarý-jaraqqa tyıym salý jónindegi uıym janyndaǵy Sırııanyń ókili atqarý keńesiniń jabyq otyrysynda málimdegen. Sırııa ókili osy otyrysta shabýyldarǵa tabysty túrde toıtarys berilgenin atap kórsetken. Aıta ketý kerek, Sırııanyń hımııalyq arsenaly 2014 jyldyń jazyna taman tolyq joıylatyn bolady dep kútilýde.
Le Pen Eýroodaqty qulatýǵa shaqyrdy
Fransýzdyq «Ulttyq maıdan» ońshyl partııasynyń basshysy Marın Le Pen beısenbi kúni Eýroodaqty qulatý úshin qolynan kelgenniń bárin jasaıtyndyǵyn aıtyp, ýáde berdi.
Eýroodaqty jaqsartý úshin ne isteýge bolady? Ol úshin ony qulatýǵa qol jetkizý kerek. Men ózim osynaý eýropalyq birlestikten bir ǵana nárseni – jarylysty kútemin, dep atap kórsetken ol fransýz jýrnalısterine. Le Penniń pikirinshe, Eýroodaqtyń kúıreıtin sátin kútýge bolady. Múmkindiginshe oǵan jaǵdaı da jasaý kerek. Tek sodan keıin ǵana erkin ulttar Eýropasy qurylysyna kirisýge bolady.
Bes okrýgte tótenshe jaǵdaı
Ekl ózenine hımıkattardyń túsip ketýine baılanysty AQSh-tyń Batys Vırdjınııa shtatynyń gýbernatory shtattyń bes okrýginde tótenshe jaǵdaı jarııalady.
Amerıkalyq BAQ-tyń habarlaýynsha, okrýgter bıligi qubyr arqyly keletin sýdy ishýge jáne as ázirleýge paıdalanýǵa tyıym salǵan. Ony tek tehnıkalyq maqsatta ǵana paıdalanýǵa bolady. Mundaı tyıym júz myńǵa tarta jergilikti turǵyndardy qamtyp otyr. Mamandardyń málimetine qaraǵanda, sýǵa tipti aıtarlyqtaı iri kólemde bolǵannyń ózinde adam ómiri úshin qaýip týdyrmaıtyn metılsıklogeksan zaty túsip ketken kórinedi.
Kastro kópshilik aldynda kórindi
Kýbanyń burynǵy kósemi Fıdel Kastro sońǵy 9 aıda alǵash ret kópshilik aldyna shyqty. Bul týraly kýbalyq buqaralyq aqparat quraldaryna silteme jasaı otyryp baspasóz agenttigi habarlady.
Úkimettik Granma gazetiniń málimetine qaraǵanda, 87 jastaǵy Kýbanyń eks-lıderi jaqynda kýbalyq sýretshi Aleksıs Leıvanyń Gavanadaǵy art-stýdııasynyń ashylýyna qatysqan. Ol óziniń jurt aldyna shyqqanyn zor qoshemetpen qarsy alǵan sýretshiler men turǵyndarǵa qyzý sálem joldady dep atap kórsetken atalmysh basylym. Sol sııaqty úkimettik saıtta Kastronyń Leıvamen sóılesip turǵan fotosýreti de jarııalanǵan kórinedi.
Kúnniń ysýy rekordtyq deńgeıge jetti
Avstralııa aýmaǵynyń 34 jerinde 50 gradýsqa jetken rekordtyq ystyq tirkelip otyr. Bul jyldyń qazirgi mezgili úshin shamadan tys ystyq bolyp esepteledi.
Avstralııa meteorologııalyq bıýrosynyń mamany Karlı Braganzanyń pikirinshe, mundaı ystyqqa jahandyq jylyný men aýa raıyna salqyndatýshy áser etetin mýssonnyń Avstralııaǵa ýaqytynda kelmeýi sebepker bolyp otyr. Onyń aıtýyna qaraǵanda, mundaı shekten tys ystyqtyń aldaǵy aptada da jalǵasýy múmkin.
Áskerı nysandaǵy jarylys
Iraktyń astanasy Baǵdadtaǵy áskerı nysanda bolǵan qýatty jarylys saldarynan jıyrma bir qyzmetshi qaza taýyp, 35 adam túrli dene jaraqattaryn alǵan. Buǵan deıin el astanasynda bolǵan jarylystan 13 adamnyń qaza taýyp, 30 adamnyń jaraqat alýy týraly habarlanǵan bolatyn.
Jarylys Irak armııasyna jańadan shaqyrylǵan jaýyngerler turatyn ortalyq ornalasqan «Ál-Mýtanna» áýejaıynda oryn alǵan. Buqaralyq aqparat quraldarynyń habarlaýynsha, bombyny jankeshti terrorshy iske qosqan kórinedi. Ázirge terrorlyq aktige baılanysty jaýapkershilikti eshkim óz moınyna alǵan joq.
Internet materıaldary negizinde ázirlendi.