Ústimizdegi jylǵy qańtardyń 10-nan 11-ne qaraǵan túni Búkilálemdik boks serııasy (WSB) úshin Polshanyń Vyshkov qalasynda jergilikti Poland Hussars komandasymen kezdesken Astana Arlans klýby 4:1 esebimen basym tústi. Sóıtip, osy kezge deıin 5 kezdesýdegi jeńisteri sanyn 4-ge jetkizdi. Bul týraly ras.kz habarlady.
Match Astana ýaqytymen 11 qańtar kúni saǵat 1:30-da bastaldy. Qazaqstan jigitteriniń jeńisti jolyn 49 kılodaǵy Mardan Berikbaev bastap berdi. Ol Davıd Sebastıan Iаgodzınskıdi 3:0 (49:46, 48:47, 48:74) etip cúrindirdi. Budan keıin sharshy alańǵa shyqqan 56 kılodaǵy Meıirbolat Toıytov (sýrette) Marek Petrýshýkti birneshe ret táltirektetip tastady. Soǵan oraı jeńisi basymyraq boldy - 3:0 (50:44, 50:44, 50:44). Al 64 kılodaǵy Ashat Ýálıhanov polıak Damıan Kıvıorany 3:0 (48:47, 48:47. 48:47) etip jeńgennen keıin jalpy komandalyq esep 3:0-ge jetip, astanalyqtardyń qorytyndyda jeńiske jetkeni aıǵaqtaldy.
«Bir aıta ketetin jaıt, 75 kıloǵa deıingi salmaqta «arlandardan» ýkraın legıoneri Sergeı Derevıanchenko rıngke shyǵýǵa tıisti bolatyn. Biraq sońǵy sátte ony Erik Áljanov almastyrdy. Mine, qazaqstandyqtar sapynan jeńiliske ushyraǵan osy mańǵystaýlyq boksshy boldy. Ol Tomash Iаblonskıge qarsy keskilesken urysynda qarsylasyna 0:3 (47:48, 47:48. 47:48) esebimen ese jiberip qoıdy. Munyń esesine, sońǵy shaıqastyń shyraıyn keltirgen 91 kılodaǵy Vasılıı Levıt polıak Lýkash Zıgmýntty tas-talqan etti. Muny osy kezdesýdegi eń joǵary kórsetkishtiń ózi baıqatady. Al aıqas 3:0 (50:42, 50:40, 50:44) bolyp aıaqtaldy», - delingen saıt habarlamasynda.
Osy matchtan keıin birden 4 qazaqstandyq boksshy óz salmaqtary boıynsha birinshi pozısııaǵa shyqty. Olardyń qatarynda Meıirbolat Toıytov (56 kg), Ashat Ýálıhanov (64 kg), Vasılıı Levıt (91 kg) jáne Fılıp Hrgovıch (+91 kg) bar. Ekinshi oryndaǵylar qataryn Mardan Berikbaev (49 kg) pen Sergeı Derevıanchenko (75 kg) toltyryp tur. Sol sııaqt, Meıirim Nursýltanov reıtıngide úshinshi bolyp keledi.
«Qazir astanalyqtar «gýsarlardy» jeńgennen keıin V tobynda kósh bastady. Alaıda, kýbalyqtardyń Baku Fires komandasymen oınaıtyn bir kezdesýi bar ekenin de eske sala keteıik», - delingen habarlamada.
Damır Qojamqul.
Derekkóz: ras.kz.
Foto: Kazahstanskıı boks VKontakte.