Keshe Kıevte oppozısııa ókilderi men arnaıy qyzmet sarbazdary arasynda kezekti qaqtyǵys bolyp ótti. Sonyń saldarynan Ýkraınanyń burynǵy ishki ister mınıstri aýrýhananyń jansaqtaý bólimine tústi. Bul týraly Ras.kz habarlady.
«Túnde Kıevtegi Svıatosha aýdandyq ishki bólimi janynda «Búrkit» jaýyngerleriniń oppozısııa belsendilerimen qaqtyǵysy saldarynan «Úshinshi Ýkraına respýblıkasy» qozǵalysynyń lıderi, Ýkraınanyń burynǵy ishki ister mınıstri Iýrıı Lýsenko zardap shekti», – delingen habarlamada.
Habarlanǵandaı, oppozısııanyń Kıev-Sııatosha sotynda málimdeýinshe, belsendiler narazylyǵyn «Búrkit» jaýyngerleriniń sherýshilerdi qýý úshin kúsh qoldanǵandary týǵyzǵan. 10 qańtarda Kıev-Sııatosha sotynda 2011 jyly Lenın eskertkishin qıratýǵa daıyndaý jónindegi «Vasılkov isteri» dep atalatyn is boıynsha úkim shyǵarylǵan. Onda úsh fıgýranttyń árbiri 6 jylǵa sottalǵan.
Túngi qarsylyq aksııasy barysynda Iýrıı Lýsenko (sýrette) sherýshiler men mılısıonerlerdiń arasynda turýǵa áreket etti. Alaıda, «Búrkit» sarbazdary onyń ózin de soqqy jyǵyp tastady. Bul burynǵy mınıstrdiń basynan úsh jerden gematoma alýyna, basynyń jarylýyna, sóıtip, jansaqtaý bóliminen bir-aq shyǵýyna aparyp soqtyrdy.
Aıdar О́risbaev.
Derekkóz: Ras.kz
Foto: Lite.rein.ru, Rus.ruvr.ru