Búgin, Qyzylorda qalasyna Qytaıdan 20 jańa avtobýs jetkzildi. Bul týraly Ras.kz habarlady.
Igilikti bastama ótken jyly oblys ákimdigi, «Baıqońyr» ÁKK jáne Eýropalyq qaıta qurý damý banki arasynda júrgizilgen úshjaqty memorandým negizinde iske asyrylyp otyr. Jalpy, joǵaryda atalǵan avtobýstardy satyp alýǵa Eýropalyq qaıta qurý jáne damý bankinen 18,8 mln. dollar bólingen eken. Qalalyq ishki saıasat bóliminiń basshysy Baldyrǵan Mámenniń málimdeýinshe, jańa avtobýstar gazben júredi jáne múgedekterdiń qatynaýyna yńǵaıly.
Aldaǵy merzimde taǵy 100 avtobýs ákelinetin kórinedi. Sondaı-aq jańa avtobýs parkin salý josparlanýda. Kelesi aıtpaǵymyz, kólik júrgizýshileri men kondýktorlarǵa arnaıy kıim alynyp, qaýipsizdik máselesine muqııat bolý kerekitigi aldyn ala eskertilgen.
Osyǵan deıin jolaýshylar qyzmetinde túıindi túıitkildiń týyndaǵany ras. Sonyń biri – múgedekterdiń minip-túsýine qolaıly jaǵdaı jasalmaǵan bolatyn. Endi, mine, úsh jaqty memorandým negizinde kúrmeýli máseleniń tini jaqyn arada tarqatylǵaly otyr.
Baqytbek Keneshuly.
Derekkóz: Ras.kz
Foto: Ras.kz.