Kózi tiri klassıkke qurmet

Aldymen Mádenıet jáne sport mınıstri Aqtoty Ra­ıymqulo­va, Jazýshylar oda­ǵy­nyń tóraǵasy, aqyn Ulyq­bek Esdáýlet jáne «Altyn Qyran Foundation» qoǵam­dyq qorynyń qam­qorshylyq keńesiniń tór­aǵasy Islambek Sal­janov arnaıy lentany qıyp, jazýshy atyndaǵy zaldy resmı ashqan soń, konferensııaǵa qa­tysýshylar men qonaqtar zal­ǵa ótip, ishki kórinisin tamasha­lady. Ult­tyq akademııalyq ki­tapha­na­nyń ishindegi zamanaýı talaptar­men bezendirilgen zaldyń qa­byrǵasyna qalamgerdiń ózi, otbasy, ortasy, dos-jarandary beınelengen sýretter, portretter ili­nipti. Jazýshynyń áıgili «Qan men ter» romanyna jasal­ǵan kór­kem stend te qabyrǵadan oryn alǵan. Shynydan jasalǵan ish­ki bólmeniń kitap sórelerinde jazý­shynyń ár jyldary baspa betin kórgen kitaptary tur.

«Á.Nurpeıisov shyǵarma­shy­­lyǵy jáne álemdik ádebı úde­ris» taqyrybyndaǵy halyq­ara­lyq onlaın konferensııa ja­zýshy atyndaǵy zal­da ótti. Atap óterlik jaıt – júzge ja­qyn­daǵan kórnekti ja­zý­shy Ábdi­jámil Nurpeıisov Nur-Sultanda ótken aıtýly is-sharaǵa onlaın qatysty. Sondaı-aq Myr­zataı Joldasbekov, Dýlat Isa­bekov, Smaǵul Elýbaı, Ak­bar Má­jıtuly qatarly otandyq já­ne she­teldik qalamgerler de kon­­fe­ren­sııaǵa onlaın qatysyp, pi­kir­­lerin bildirdi.

Konferensııada Mádenıet jáne sport mınıstri Aqtoty Ra­ıymqulova iri sýretkerdiń shy­ǵarmashylyǵy, atap aıtqanda, «Qan men ter», «Sońǵy paryz» ro­mandary qazaq ádebıetiniń tabysy ekenin baıandap, kezinde osy shyǵarmalary úshin alǵan marapattaryn da kópshiliktiń esine saldy. «Qan men ter» romanynyń negizinde kıno túsirilgenin, dál sol shyǵarmanyń Aral óńirine álemniń nazaryn aýdartqan erekshe týyndy bolǵanyn aıtty. Ol sondaı-aq qalamger atyndaǵy oqý zalyn ashý barysynda jetekshilik jasaǵan ǵalym Myrzataı Jol­das­bekovke, qarjylaı qoldaý kór­set­ken Islambek Saljanovqa jáne Ulttyq akademııalyq kitapha­na­nyń dırektory Úmithan Mu­ńal­baevaǵa alǵysyn jetkizdi.

Jazýshylar odaǵynyń tór­­aǵasy Ulyqbek Esdáýlet qa­lam­gerdiń ár sóziniń salmaǵy qor­­ǵa­syndaı aýyr ekenin, sek­seýildiń tamyryndaı tereńnen tamyr tartyp, oqıǵalary ıiri­mine tar­typ áketetinin, onyń ár keıip­keri oqyrmanmen tiri adamdaı kez­desetinin aıtty. Onyń shy­ǵar­malaryn tek óz elimizde emes, alys-jaqyn shet elderde qan­shama býyn urpaqtyń oqyp tálim alǵanyn jetkizgen aqyn Ábdijámil Nurpeıisov shy­ǵar­malarynyń ózeginde tarıh al­dyn­daǵy jaýapkershilik, ult múd­desine adaldyq, el men jer taǵ­dyry úshin kúres bar ekenin baıan­dady. Onyń óz shyǵarmalaryn ózi jetpis jyldan beri túzep-kúzep kele jatqan asa talǵampaz stılıst ekenin de atap ótip, bul turǵyda úlken qalamgerden úırenetin erekshe úlginiń biri sol ekenin de jetkizdi.

 Jıynda basqa da qonaqtar Ábdijámil Nurpeıisov shy­ǵar­ma­shylyǵyna qatysty pi­kir­lerin bólisip, onyń shyǵar­ma­shylyǵynyń ereksheligin áń­gime arqaýyna aınaldyrdy. Olar­dyń qatarynda Memlekettik syı­lyqtyń laýreaty, jazýshy Álibek Asqarov, fılologııa ǵylymdarynyń doktory, professor Serik Negımov. Qazaqstan Respýblıkasynyń Reseı ynty­maq­tastyǵy ókildiginiń basshysy Konstantın Vorobev, «Lıbertı» baspasynyń negizin qalaýshy Ilıa Levkov, belgili Reseı jazýshy, aýdarmashy Anatolıı Kım boldy.