Taı oppozısıonerleri dúısenbi kúni tańerteń el astanasyndaǵy jeti sheshýshi kóliktik tarmaqtar men birqatar avtojoldardy jaýyp, «Bangkokty jabamyz» atty aksııany resmı túrde bastady.
Biz jeńgenimizge ne jeńilgenimizge qaramastan, kúrese beretin bolamyz. Biz bitimge barmaımyz jáne kelissózderge otyrýǵa kelispeımiz, dep atap kórsetken oppozısııa kósemi Sýtep Taýgsýban mıtıngide sóılegen sózinde. Osynyń aldyndaǵy kúni qalaǵa tankter engizilgen bolatyn, biraq narazylyqqa qatysýshylar men quqyq qorǵaýshylar arasynda qaqtyǵys týyndaı qoıǵan joq. Ázirge sherýler beıbit sıpatta ótýde.
Sharaına
Oppozısııa «Bangkokty jabamyz» sharasyn bastady
Taı oppozısıonerleri dúısenbi kúni tańerteń el astanasyndaǵy jeti sheshýshi kóliktik tarmaqtar men birqatar avtojoldardy jaýyp, «Bangkokty jabamyz» atty aksııany resmı túrde bastady.
Biz jeńgenimizge ne jeńilgenimizge qaramastan, kúrese beretin bolamyz. Biz bitimge barmaımyz jáne kelissózderge otyrýǵa kelispeımiz, dep atap kórsetken oppozısııa kósemi Sýtep Taýgsýban mıtıngide sóılegen sózinde. Osynyń aldyndaǵy kúni qalaǵa tankter engizilgen bolatyn, biraq narazylyqqa qatysýshylar men quqyq qorǵaýshylar arasynda qaqtyǵys týyndaı qoıǵan joq. Ázirge sherýler beıbit sıpatta ótýde.
Donor elderden 6,5 mlrd. dollar kómek suralmaq
BUU Sırııadaǵy qaqtyǵystardan zardap shekkenderge kómek kórsetý úshin aldaǵy Sırııa boıynsha donor elder konferensııasynan 6,5 mlrd. dollar jınamaq nıette. Bul týraly BUU Bas hatshysynyń gýmanıtarlyq máseleler jónindegi orynbasary Valerı Amos óz málimdemesinde habarlaǵan.
Biz 6,5 mlrd. surap otyrmyz. Biz ereýilshiler men úkimettik áskerler arasyndaǵy qandy qaqtyǵystan zardap shekken balalarǵa, áıelder men erkekterge kómek kórsetý úshin qoldan kelgenniń bárin jasaıtyn bolamyz, dep atap kórsetilgen málimdemede. Onyń aıtýynsha, búginde 13 mıllıonnan astam sırııalyq kómekke zárý. Aıta ketý kerek, konferensııa 14 qańtarda Kýveıtte BUU Bas hatshysy Pan Gı Mýnnyń tóraǵalyǵymen ótedi.
Jańa konstıtýsııany qoldaýǵa shaqyrdy
Egıpettiń ýaqytsha prezıdenti Adlı Mansýr el turǵyndaryn jańa konstıtýsııanyń jobasy boıynsha ótetin referendýmda oǵan qoldaý kórsetýge shaqyrdy.
Men sizderdi qazirgi zamanǵy zaıyrly memlekettiń negizin qalaıtyn jańa konstıtýsııa úshin daýys berýge shaqyramyn, dep málimdegen Mansýr Egıpet teledıdary arqyly sóılegen sózinde. Biz úshin ózimizdiń ıslamdyq qundylyqtarymyz ben qaǵıdattarymyzdy qorǵaý óte qajet, biraq sonymen birge, biz dinı shektelýshilikten de arylýǵa tıispiz, dep atap kórsetken ol. Eske sala keteıik, jańa konstıtýsııa boıynsha referendým Egıpette 14-15 qańtarda ótedi.
Izraıl Sharonmen qoshtasýda
Izraıldiń burynǵy premer-mınıstri Arıel Sharonmen qoshtasýdyń resmı rásimi dúısenbi kúni tańerteń bastaldy, dep habarlady jergilikti BAQ-tar.
Knessette ótip jatqan bul is-sharaǵa Izraıl prezıdenti Shımon Peres pen premer-mınıstri Bınıamın Netanıahý qatysty. Izraıl úkimetiniń burynǵy basshysy 2006 jyldan beri ınsýlt saldarynan es-tússiz jatqan Arıel Sharon ótken senbi kúni 85 jasynda eldiń Sheba aýrýhanasynda kóz jumǵan bolatyn.
Qatelesip basqa áýejaıǵa qondy
Amerıkalyq Southwest Airlines áýe kompanııasynyń Boıng-737 jolaýshylar laıneri Mıssýrı shtatyndaǵy Bransona áýejaıyna barýdyń ornyna qatelesip, Teını graftyǵyndaǵy áýejaıǵa baryp qonǵan.
Qoný shtattyq rejimde ótti, barlyq jolaýshylar men ekıpaj qaýipsiz jaǵdaıda, dep málimdegen áýe kompanııa ókili oryn alǵan oqıǵaǵa túsinik bere otyryp. Áýe laıneriniń bortynda 124 jolaýshy men ekıpajdyń bes múshesi bolǵan kórinedi. Qazirgi ýaqytta AQSh-tyń Federaldyq avıasııa basqarmasy oryn alǵan oqıǵanyń sebepterin tergeýde.
Tehran 4,2 mlrd. dollarǵa qol jetkizbek
«Altylyq» pen Tehran 20 qańtarda birlesken is-qımyl josparyn júzege asyrýdy bastaıdy. Sanksııalardyń jumsartylýy nátıjesinde, Iran tyıym salynǵan 4,2 mlrd. dollarǵa qol jetkizý múmkindigine ıe bolmaq.
Eýropa odaǵynyń syrtqy ister jónindegi joǵarǵy ókili Ketrın Eshton Jenevada 9-10 qańtarda ótken kelissózder qorytyndysyna óziniń qanaǵattanǵandyǵyn bildirdi. Endi quramynda Ulybrıtanııa, Germanııa, Fransııa, Reseı, Qytaı jáne AQSh bar deldaldar «altylyǵy» 2014 jyldyń 20 qańtarynan bastap, ýaǵdalastyqtyń alǵashqy qadamdaryn júzege asyrýǵa kirispek. Biz MAGATE-den qajet ıadrolyq monıtorıng pen qyzmetke tekserý júrgizýdi suraıtyn bolamyz, delingen jeksenbi kúni keshkilik Brıýsselde Eshton taratqan málimdemede.
Atom energııasy salasyndaǵy yntymaqtastyq
Reseıdiń Vengrııadaǵy birden-bir atom elektr stansasynyń qurylysyn odan ári jalǵastyrýǵa kelisim alýy múmkin. «Rosatom» memlekettik korporasııasynyń basshysy Sergeı Kırıenkonyń aıtýynsha, Reseı men Vengrııa atom salasyndaǵy yntymaqtastyqty jalǵastyrý jóninde belsendi kelissózder júrgizýde.
14 qańtarda Reseı prezıdenti Vladımır Pýtınniń shaqyrýymen Vengrııa premer-mınıstri Vıktor Orban Máskeýge jumys saparymen kelmek. Aldaǵy kelissózderdiń baǵdarlamasynyń egjeı-tegjeıi ázirge belgisiz. Degenmen, vengerlik Nepszabadzag gazeti belgili bir aqparat kózderine silteme jasaı otyryp, sapar barysynda «Pakshanyń» qurylysyn odan ári jalǵastyrý jónindegi kelisimge qol qoıylýy múmkin ekenin habarlaǵan. Basylymnyń málimetterine qaraǵanda, barlyq úmitkerlerdiń ishinde tek «Rosatom» ǵana jalpy quny shamamen 18 mlrd. dollar bolatyn jobany aldyn ala qarjylandyrýdy qamtamasyz etýge daıyn.
Internet materıaldary negizinde ázirlendi.