Batys Qazaqstan oblysy Oral qalasyndaǵy áskerı qyzmetshiler 9 qabatty úıden shyqqan órtten 8 adamdy qutqardy. Sonyń 3-i balalar bolatyn. Bul týraly Bnews.kz habarlady.
Kópqabatty úıden órt shyqqanyn kórgen turǵyndardyń biri áskerı qyzmetkerlerden kómek suraıdy. Olar sol boıda kezekshi bólimge habarlasyp, órt sóndirý qyzmetkerlerimen birge oqıǵa ornyna jetedi.
«Úıdegi turǵyndardyń ómiri men densaýlyǵyna qaýip tóndirmeý úshin oqıǵa ornyna jetken áskerı jasaq jedel túrde 8 adamdy qaýipsiz jerge kóshiredi, onyń ishinde úsh bala bar. Sodan keıin órt shyqqan páterdiń esigin buzyp, áskerıler TJM qyzmetkerlerimen birlesip M.Merǵalıevti ottan alyp shyǵady. Jedel járdem kelgenshe áskerı qyzmetshiler oǵan alǵashqy medısınalyq kómek kórsetti», -delingen habarlamada.
Áskerı boryshyn úlgili atqarǵan azamattardy marapatqa usyný týraly sheshim qabyldandy.
Baqytbek Keneshuly.
Derekkóz: Bnews.kz
Foto: Ria.ru.