Qytaıdyń Sychýan provınsııasyndaǵy saıabaqta «Tıtanık» kemesiniń kóshirmesi salynady. Bul týraly Vesti.ru habarlady.
«Reuters» agenttiginiń aqpary boıynsha, áıgili laınerdiń kóshirmesin salyp bitý 2016 jylǵa josparlanyp otyr. Jobaǵa shamamen 165 mln. dollar jumsalmaq.
«Djınlın» kompanııasynyń Nankındegi keme shyǵaratyn kásiporny avstralııalyq mıllıarderdiń tapsyrysy boıynsha «Tıtanıktiń» kóshirmesin soǵýǵa arnalǵan jabdyqtardy jańartýdy aıaqtady.
Áıgili kemeniń kóshirmesin jasaý jónindegi tapsyrys 2012 jyldyń sáýirinde avstralııalyq mıllıarder Klıv Palmerden túsken bolatyn. Ol osylaısha, óziniń bala kezindegi armanyn oryndaǵysy kelgen eken.
Palmerdiń aıtýynsha, Tıtanık-2-niń 2016 jylǵa josparlanǵan alǵashqy krýızinde barlyq jolaýshylarǵa beriletin as 1912 jylǵy menıýmen saıma-saı keledi. Ázirge keme bıletteri satylymǵa túspegen. Degenmen, Ulybrıtanııa, AQSh, Qytaı, OAR elderiniń azamattary teńiz saıahatyna «Tıtanık» kóshirmesinde attanýǵa nıet bildirip, jarty mıllıon dollardan astam qarajat usynyp otyrǵan kórinedi.
Esterińizge sala ketsek, «Tıtanık» 1912 jyly 14 sáýir kúni aısbergpen bolǵan soqtyǵystan soń sýǵa batqan edi. Resmı derekterge súıensek, bul apat 1514 jolaýshynyń ómirin áketti. Al 710 adam aman qaldy. «Tıtanıktiń» alǵashqy jáne sońǵy saıahaty sodan beri kóptegen kórkem fılmderdiń negizgi jelisine aınaldy.
Aıdar О́risbaev.
Derekkóz: Vesti.ru
Foto: Dailynews.kz