«15 qańtarda saǵat 21.50-de «Qazaqstan» Ulttyq telearnasynan «Syrǵalym» atty jańa otandyq telehıkaıa kórsetiledi», dep habarlady «Qazaqstan» AQ» respýblıkalyq teleradıo kesheniniń baspasóz hatshysy Tanakóz Tolqynqyzy.
«15 qańtarda saǵat 21.50-de «Qazaqstan» Ulttyq telearnasynan «Syrǵalym» atty jańa otandyq telehıkaıa kórsetiledi», dep habarlady «Qazaqstan» AQ» respýblıkalyq teleradıo kesheniniń baspasóz hatshysy Tanakóz Tolqynqyzy.
Oqıǵalar jelisi qarapaıym qazaq otbasynyń kúndelikti tynys-tirshiligin baıandaýdan bastalady. Bir kúni qalada ǵumyr keshetin Jantóreniń shańyraǵyna aýyldan otaǵasynyń jaqyn dosynyń qyzy keledi. Qalalyq otbasynda tárbıelenip jatqan úsh ul alǵashynda qyzdy jaqtyrmaı qaraǵanymen, keıin oqıǵa jelisi basqa arnaǵa burylady. Úlken ul aýyl qyzyna qamqorlyq tanytsa, ortanshysy oǵan ǵashyq bolady. Al, kenje ul qyzdy otbasynan alystatýdy oılastyrady.
Qaımaǵy buzylmaǵan aýyl tárbıesin kórip, ulttyq salt-dástúrmen sýsyndap ósken qyz bala qazaqy bolmysty umytýǵa shaq qalǵan qala turǵyndarynyń ómirine úlken ózgeris ákeledi. Jańa telehıkaıa ádemi qaljyńdar men kórermenge oı salatyn ómirlik oqıǵalarmen kómkerilgen. Uzaqtyǵy 42 mınýttyq 48 bólimnen turatyn melodrama qazaq salt-dástúriniń artyqshylyǵyn dáriptep, tózimdilik, qaıyrymdylyq, qonaqjaılylyq syndy qasıetterdi nasıhattaıdy.
«Syrǵalym» telehıkaıasynyń qoıýshy rejısserleri Ráshıd Súleımenov, Dmıtrıı Korobkın. Basty rólderdi Juldyz Mahanova, Sher Áli, Omar Qıqymov, Qalampyr Aısanǵalıeva, Álıhan Ydyryshev, Jandarbek Sadyrbaev somdaıdy.
«Egemen-aqparat».