Jaqynda Italııanyń Asıago qalasynda shańǵydan Álem kýbogynyń tórtinshi kezeńi ótti. Dúbirli jarys Sochı Olımpıadasy aldyndaǵy daıyndyq ári synaq deýge keledi. Munyń aldynda rıdderlik shańǵyshy Alekseı Poltoranın Álem kýbogy jarysynda kúmis alqany ıelengen. Klassıkalyq sprıntte Alekseı basty qarsylasy reseılik Nıkıta Krıýkovqa 0,14 sekónt utylyp, ekinshi orynǵa taban tiredi. Budan keıin sprınttik jarysta Alekseı óziniń dosy Nıkolaı Chebotko ekeýi taǵy da kúmis alqany oljalady.
Dúnıe dodasynyń dúbiri
HHII Qysqy Olımpıadanyń bastalýyna 23 kún qaldy
Jaqynda Italııanyń Asıago qalasynda shańǵydan Álem kýbogynyń tórtinshi kezeńi ótti. Dúbirli jarys Sochı Olımpıadasy aldyndaǵy daıyndyq ári synaq deýge keledi. Munyń aldynda rıdderlik shańǵyshy Alekseı Poltoranın Álem kýbogy jarysynda kúmis alqany ıelengen. Klassıkalyq sprıntte Alekseı basty qarsylasy reseılik Nıkıta Krıýkovqa 0,14 sekónt utylyp, ekinshi orynǵa taban tiredi. Budan keıin sprınttik jarysta Alekseı óziniń dosy Nıkolaı Chebotko ekeýi taǵy da kúmis alqany oljalady.
Alekseı úlken sportqa qalaı kelgen edi?» degen saýal oqyrmandardy qyzyqtyrsa kerek. Alekseıdi bala kezinen bilemiz. Rıdder qalasyndaǵy daryndy balalarǵa arnalǵan sport mektebine baryp júrgenimizde syryqtaı aryq, kózinen jalyn shashyp turatyn balany ustazdary bolashaqta osydan daryndy shańǵyshy shyǵady dep tanystyrǵan. Iá, úmit aldamaǵan eken. Ol 11 jasynan shańǵy sportymen jattyǵa bastady. Bapkeri A. Nakonechnyı alǵan betinen qaıtpaıtyn qaısar balanyń bolashaǵynan úmit kútken edi. Sebebi, ol basqalarǵa qaraǵanda, tabandylyqpen uzaq jattyǵatyn, senbi, jeksenbi kúnderi de shańǵysyn kıip alyp ný ormannyń ishinde jalyqpaı júgiretin. Sol bala alǵash ret oblystyq, respýblıkalyq jarystarda top jarmasa da alǵashqy altylyqqa enip júrdi. Úsh jyldan keıin Alekseı jasóspirimder arasyndaǵy álem chempıonatyna qatysý múmkindigine ıe boldy.
2004 jyl. Norvegııada shańǵy sportynan jasóspirimder arasynda álem chempıonaty bastaldy. Qazaqstan quramasy sapynda rıdderlik 17 jasar Alekseı Poltoranın de bar. Jarystyń úshinshi kúni ol bir top áriptesterimen birge estafetalyq jarysqa túspek. Bapkeri shákirtine dem berip, jigerlendirip qoıdy.
– Alekseı, sen úshinshi kezekte júgiresiń. Bul sheshýshi kezeń ekenin esten shyǵarma. Komandanyń júldeli oryn alýy saǵan baılanysty. Namysty qoldan berme, – dedi bapkeri A.Nakonechnyı.
10 shaqyrymdyq estafetaǵa bes komanda qatysty. Qazaqstandyq shańǵyshy qarsylastarynan bes sekónt keshigip estafeta taıaqshasyn aldy. Alekseı bes shaqyrym júgirgennen keıin qarsylasyn qýyp jetip, jeti sekónt erte jetip, tórtinshi kezekte júgiretin áriptesine berdi. Alekseıdiń altyn ýaqyty qurama jigitterine altyn alqa syılady. Tórt jigittiń qýanyshynda shek joq, bir-birin qushaqtap, quttyqtap jatyr. Sol jyly 17 jasar shańǵyshy halyqaralyq dárejedegi sport sheberi ataǵyna ıe boldy.
2006 jyl! Italııanyń Týrın qalasynda Qysqy Aq Olımpıada oıyndary ótip jatyr. 19-ǵa tolmaǵan Alekseı Týrınde sátsiz óner kórsetti. Qarsylastary kileń bir «sen tur, men ataıyn» degen sańlaqtar bolǵan soń ba, áıteýir joly bolmaı-aq qoıdy. Alaıda, jas jigittiń jigeri muqalǵan joq, «onda tórt jyldan keıin Vankýverge bara qalsam, esemdi jibermespin» dedi ózin-ózi qaırap.
2007 jyly Qytaıdyń Changchýn qalasynda VI Qysqy Azııa oıyndarynyń alaýy jaǵyldy. Munyń aldynda Azııa oıyndarynda komandalyq esepte tórtinshi orynda qalyp qoıǵan jerlesterimizge sport basshylary qatań talap qoıdy. Shańǵyshylar kem degende, úsh-tórt altyn alqany alýlary qajet. Ras, shańǵyshylar eki-úsh altyn alqany ıelendi, biraq Alekseı bul joly taǵy da altynsyz qaldy. Sprıntte ekinshi, on shaqyrymdyq erkin júgirýde de kúmis alqany ıelendi.
Kanadanyń Vankýver qalasynda ótken HHI Qysqy Olımpıada oıyndaryna Alekseı tas túıin ázirlikpen keldi. Munyń aldynda shańǵy sportynan ótken Álem kýbogy jarystarynda jaman nátıje kórsetken joq. Birer ret altylyqqa engen azamattan bapkeri úmit kútkeni jasyryn emes. Vankýverge jınalǵan kileń bir yǵaı-syǵaılar altyn alqany sarapqa sala bastady. Norvegııalyq ataqty shańǵyshy Nortýktyń juldyzdy shaǵy týǵandaı. Ol eki altyndy talassyz jeńip aldy. Mine, sprınttik jarysta da «altyn alqa meniki» degendeı, tákapparlana qaraıdy. Sprınttik jarysta Alekseı ataqty Nortýkpen úzeńgi qaǵystyryp kele jatqan. Nortýktan qalyp qoımasa, bir medaldi alatynyna senimdi edi. Amal bar ma, burylysta shalynyp qulap, kómbege besinshi bolyp jetti. Átteń, qulap qalmaǵanda, úshinshi orynǵa taban tireri sózsiz edi. Budan keıin komandalyq sprıntte besinshi bolyp máre syzyǵyn qıdy. Budan keıin talapty jas Fransııada ótken 23 jasqa deıingi shańǵyshylar arasyndaǵy Álem chempıonatynda kúmis medaldi jeńip aldy.
Buǵan deıin Álem kýbogy kezeńderinde ataqty shańǵyshy V.Smırnov qana birneshe márte birinshi orynǵa taban tiregen. Alekseı Smırnovty ustazym ári pir tutatyn azamat dep sanaıdy. О́tken jyldyń 11-16 jeltoqsanynda Shveısarııanyń Davos qalasynda shańǵydan Álem kýbogy kezeńi bastaldy. Azııa oıyndary bastalar aldynda ózin bir ret synnan ótkizip alýdy kózdegen A. Poltoranın Davosqa keldi. 15 shaqyrymdyq klassıkalyq úlgidegi jarys jaýapty ári bap pen shydamdylyqty talap etedi. Alekseı babynda bolatyn. Nátıjesinde jerlesimiz Álem kýbogynyń altynyn ıelenip, aıdy aspannan shyǵardy. Arada V.Smırnovtyń 12 jylǵy úzilisinen keıingi jeńis qaıtalandy.
Osydan bir apta buryn Alekseıdi О́skemende jolyqtyrdyq. Janynda bapkeri bar. «Altyn medal alý – armanym. Týrınde jas boldym, tájirıbem jetpedi, Vankýverde jol bolmady. Sochıde esemdi jibermespin. Baqyttymyn, jubaıym, belgili bıatlonshy, Azııa oıyndarynyń chempıony Olga Poltoranına maǵan ekinshi sábıdi syılady. Medal alyp jatsam qyzym, Krıstına men elime syılaımyn, dep shańǵy koroli aǵynan jaryldy.
Ońdasyn ELÝBAI,
«Egemen Qazaqstan».
О́SKEMEN.