Lıvannyń Beırýt qalasyndaǵy jarylys saldarynan qaza tapqandarǵa arnalǵan aza tutý kúniniń sońy qaqtyǵystar men tártipsizdikke ulasty, dep habarlaıdy Egemen.kz BBC-ge silteme jasap.
Basylymnyń málimetinshe, aldymen demonstrasııa beıbit sıpatta boldy. Adamdar qala kóshelerimen qolynda qaıtys bolǵan týystarynyń sýretterimen sherýge shyqty. Keshke qaraı parlament pen ekonomıka mınıstrligi ǵımaratynyń janynda demonstranttardyń polısııamen qaqtyǵystary bastaldy. Adamdar tergeý nátıjelerine narazylyqtaryn bildirdi.
Olar tártip saqshylaryna tastar men bótelkelerdi laqtyra bastady. Jaýap retinde polıseıler kózden jas aǵyzatyn gaz ben sý qubyrlaryn qoldanýǵa májbúr boldy.
Aza tutý rásimine qatysýshylar úkimetke qarsy uran aıtyp, saıası kóshbasshylardyń otstavkaǵa ketýin talap etti.
Atys kezinde 20-ǵa jýyq adam zardap shekti.
Eske salsaq, 2020 jyldyń 4 tamyzynda Beırýt portynda jarylys boldy. Jarylys saldarynan qaladaǵy ǵımarattardyń jartysy buzyldy. Jarylys 158 adamnyń ómirin qıyp, 6 myńnan astam adam jaraqat aldy dep habarlanǵan. Shamamen 300 myń adam baspanasyz qaldy.
Jergilikti bıliktiń málimetinshe, jarylystyń sebebi 2014 jyly keden qyzmetteri tárkilegen qoımada saqtalǵan 2750 tonna ammıak selıtrasynyń jarylýy boldy.
Osydan keıin qalada úkimetke qarsy jappaı narazylyqtar bastaldy. 10 tamyzda Lıvan Mınıstrler Kabınetiniń eki múshesi aqparat mınıstri Manal Abdel Samad jáne qorshaǵan orta jáne ákimshilik damý mınıstri Damıanos Kattar birden otstavkaǵa ketti.