Oral polıtehnıkalyq kolledji 2012 jyly Tehnıkalyq jáne kásiptik bilimdi jańǵyrtý jobasy aıasynda Instıtýttyq damý josparyn usynyp, «Ishki sanıtarlyq-tehnıkalyq qondyrǵylardy, jeldetkishterdi jáne ınjenerlik júıelerdi qurastyrý jáne paıdalaný» mamandyǵy boıynsha grant ıelengen oblysymyzdaǵy birden-bir oqý orny.
Oral polıtehnıkalyq kolledji 2012 jyly Tehnıkalyq jáne kásiptik bilimdi jańǵyrtý jobasy aıasynda Instıtýttyq damý josparyn usynyp, «Ishki sanıtarlyq-tehnıkalyq qondyrǵylardy, jeldetkishterdi jáne ınjenerlik júıelerdi qurastyrý jáne paıdalaný» mamandyǵy boıynsha grant ıelengen oblysymyzdaǵy birden-bir oqý orny.
Atalmysh kolledj 1956 jyldan beri Batys Qazaqstan oblysynda qurylys salasynyń mamandaryn daıarlap kele jatqan tarıhy tereń oqý ordasy bolyp tabylady. Osy ýaqyt ishinde munda gaz-elektrmen dánekerleýshi, qurylys sheberi, avtokólik jóndeýshi slesar, krandy avtokólik mashınısi, elektrmontajdaýshy, sylaqshy, syrlaýshy, árleý qurylys jumystarynyń sheberi, tehnık-qurylysshy mamandyqtarynyń qyr-syryn ıgergen 13 000-nan astam jas túlekter úlken ómirge joldama aldy.
Kolledjde búgingi tańda 750 oqýshyǵa 42 oqytýshy men 28 óndiristik oqytý sheberlerinen turatyn ınjener-pedagogıkalyq qyzmetkerler bilim berýde. Básekege qabiletti maman daıarlaý úshin kolledjde barlyq jaǵdaı jasalǵan. 25 oqý kabıneti, 7 óndiristik oqý sheberhanasy, 2 zerthana sońǵy úlgidegi qural-jabdyqtarmen qamtamasyz etilgen.
Instıtýttyq damý josparyn júzege asyrý maqsatynda kolledjde elektr-gazben dánekerleýshi zerthanasy jabdyqtaldy jáne jańa tehnologııaly pisirý apparattary, LSD panel, mýltımedııalyq minber, kompıýterler alynyp, kolledjdiń materıaldyq-tehnıkalyq bazasy da nyǵaıa tústi. Osy jyldyń qarasha aıynda Joba aıasynda osy oqý ornynyń ádiskeri, 2 arnaıy pán oqytýshysy jáne 2 óndiristik oqý sheberi Astana qalasyndaǵy «Turan-Profı» halyqaralyq kásiptik akademııasy arqyly Belarýs Respýblıkasynyń Mınsk qalasyna baryp, «Quzyrettilikke baǵyttalǵan modýldik oqý baǵdarlamalaryn qurastyrý» taqyrybynda biliktilik arttyrý kýrsynan ótip keldi jáne grant ıelengen «Ishki sanıtarlyq-tehnıkalyq qondyrǵylardy, jeldetkishterdi jáne ınjenerlik júıelerdi qurastyrý jáne paıdalaný» mamandyǵy boıynsha modýldik oqý baǵdarlamalaryn jasaýdy jalǵastyrýda.
Tehnıkalyq jáne kásiptik bilimdi jańǵyrtý jobasy kolledjdiń bolashaǵynyń jarqyn bolýynyń alǵysharty deýge bolady. О́ıtkeni, Instıtýttyq damý josparyndaǵy bizdiń basty maqsatymyz – básekege qabiletti bilikti maman daıarlaıtyn aımaqtaǵy jetekshi oqý orny dárejesine jetý. Al maqsat aıqyn bolsa, alar asý da alys emes ekendigi anyq.
G.TÝREShOVA,
Oral polıtehnıkalyq kolledji ádiskeri.
Batys Qazaqstan oblysy.