Syrtqy ister mınıstri Erlan Ydyrysovtyń basshylyǵymen Konsýltatıvti-keńes organynyń (KKO) «Adamı ólshem boıynsha únqatysý alańy» plenarlyq májilisi ótti. Májilis barysynda qatysýshylar 2013 jylǵy jumystardyń qorytyndysyn jan-jaqty talqylap, 2014 jyly jasalatyn jumystardyń basty baǵyttaryn anyqtady, dep habarlady QR SIM-iniń baspasóz qyzmeti.
Syrtqy ister mınıstri Erlan Ydyrysovtyń basshylyǵymen Konsýltatıvti-keńes organynyń (KKO) «Adamı ólshem boıynsha únqatysý alańy» plenarlyq májilisi ótti. Májilis barysynda qatysýshylar 2013 jylǵy jumystardyń qorytyndysyn jan-jaqty talqylap, 2014 jyly jasalatyn jumystardyń basty baǵyttaryn anyqtady, dep habarlady QR SIM-iniń baspasóz qyzmeti.
Byltyr KKO músheleri alty taqyryptyq kezdesý ótkizip, nátıjesinde demokratııany damytý, quqyqtyń ústemdigi men adamnyń jeke quqyqtary men bostandyǵyn qamtamasyz etý máseleleri boıynsha 157 usynys qabyldanypty. Usynystar eldegi demokratııalyq júıeni odan ári jetildirý isinde azamattyq sektor, Úkimet pen Parlament arasyndaǵy ózara is-áreketti ońtaılandyrýǵa baǵyttalǵan. Barlyq usynystar Elbasynyń «2050» Strategııasynda belgilengen Qazaqstannyń saıası damýynyń basymdyqtaryna, sondaı-aq, adam quqyǵy jáne demokratııa salasyndaǵy halyqaralyq mindettemelerge sáıkes qalyptastyrylypty. 157 usynystyń jartysynan kóbi maquldanyp, atqarýshy organdar men Parlament jumystarynda eskerilgen. Qalǵan usynystar boıynsha osy bastalǵan jyly jumys jasalatyn bolady.
Kezdesýge qatysýshylar Konsýltatıvti-keńes organynyń 2014 jylǵa arnalǵan josparyn maquldady. Josparǵa sáıkes, únqatysý alańynyń toqsanaralyq kezdesýlerinde maquldanǵan usynystardy iske asyrý mehanızmin iske qosý, Qazaqstannyń saıası damýy jóninde qosymsha máselelerdi talqylaý, 2013 jylǵy usynystardyń revızııasyn ótkizý, sonymen qosa, Parlament, mınıstrliktermen jáne vedomstvolarmen Qazaqstannyń ulttyq zańnamasyn odan ári jetildirý boıynsha yntymaqtastyqty nyǵaıtý kózdelgen.
Kezdesý qorytyndysy boıynsha, E.Ydyrysov úkimettik organdardyń, sottyń, zańnamalyq bıliktiń jáne azamattyq qoǵamnyń birlesken bir jyldyq jumysy óz jemisin bergenin atap ótti. Konsýltatıvti-keńes organynyń qatysýshylary arasynda «tek qana tyńdaý emes, sonymen qosa, estýge» negizdelgen ózara yntymaqtastyqtyń jańa mádenıeti qalyptasa bastady. Dál osyndaı kózqaras saıası úderistiń barlyq qatysýshylaryna birlesken kúsh-jiger arqyly Qazaqstannyń turaqty ári serpindi damýyna, sonymen qatar, Konsýltatıvti-keńes organynyń 2014 jylǵy jumysyn tıimdi qamtamasyz etýge múmkindik beredi.