Búgin Olımpıada jalaýy búgin Japonııadan Fransııaǵa jetkizildi. Bul Tokıo-2020 oıyndarynyń resmı túrde aıaqtalyp, kezek Parıj-2024-ke kelgenin kórsetedi, dep habarlaıdy Egemen.kz.
Parıj meri Ann Idalgo delegasııany ushaqtan qarsy aldy.
2024 jylǵy Parıj oıyndaryna úsh jyldan az ýaqyt qaldy. Sebebi Tokıo-2020 oıyndary COVID-19 pandemııasyna baılanysty bir jylǵa keıinge qaldyrylǵan bolatyn.
Idalgo týdy Tokıo-2020 jabylý saltanatynda HOK prezıdenti Tomas Bahtan resmı túrde aldy. Ol jýrnalısterge tý Parıj oıyndarynyń jaqyndap kele jatqanynyń belgisi ekenin aıtty, dep jazady Washington Post.
Mer Parıj 2024 uıymdastyrý komıteti oıyndarǵa daıyndyqty, onyń ishinde qaýipsizdik máselelerin jeńildetý úshin Tokıo 2020 uıymdastyrýshylarymen baılanys ornatatynyn málimdedi.
Endi Olımpıada jalaýy Parıj merııasynda bolady.
Aıta keteıik, Parıjdegi Olımpıada oıyndary 2024 jyldyń 26 shildesi men 11 tamyzy aralyǵynda, Paralımpıada oıyndary 28 tamyz ben 8 qyrkúıek aralyǵynda ótedi.