18 qańtar kúni Ázerbaıjannyń Baký qalasynda «Astana arlans» jartylaı kásipqoı klýby Búkilálemdik boks serııasy jarysynyń aıasynda jergilikti «Baku Fires» komandasymen kezekti kezdesýin ótkizedi. Bul týraly egemen.kz tilshisi habarlady.
Bul komandalardyń bıylǵy maýsymdaǵy ekinshi kezdesýi. Byltyr 15 qarasha kúni komandalar Almatyda alǵashqy kezdesýlerin ótkizip, onda «Astana arlans» qarsylastaryn 4:1 esebimen jeńgen bolatyn. Sol kezde 49, 56, 64, 75 jáne 91 kılo salmaqtaǵy boksshylar kúsh synasqany belgili. Endi, mine komandalar taǵy da kezdesip, aralaryndaǵy myqtyny taǵy da anyqtaıtyn bolady. Bul kezdesý endi basqa salmaqtar boıynsha ótedi. Onda 52, 60, 69, 81 jáne 91 kılodan asa salmaq dárejesindegi boksshylar qolǵap túıistiredi.
«Arlandardyń» bas jattyqtyrýshysy Sergeı Korchınskıı bul jekpe-jekke Ilııas Súleımenov (52 kg), Samat Báshenov (60 kg), Meıirim Nursultanov (69 kg), Ehsan Roýzbahanı (81 kg) men asa aýyr salmaqtaǵy Rýslan Myrsataevty sharshy alańǵa shyǵaratynyn málimdedi. Osy kúni «Astana arlanstyń» sapyna jaqynda ǵana qosylǵan 52 kılodaǵy Ilııas Súılemenov WSB serııasyndaǵy alǵashqy jekpe-jegin ótkizedi.
Dastan Kenjalın.
Derekkóz: http://astanaarlans.kz/