Atyraý oblysyndaǵy qarjy polıseıleri Tótenshe jaǵdaılar mınıstrligi Batys óńirlik aeromobıldi jedel qutqarý jasaǵynyń basshysy Amantaı Erbozovty para alyp jatqan jerinen ustady. Bul týraly «Qazaqstan» telearnasy habarlady.
Ol qaramaǵyndaǵy eki azamatqa qyzmetterińdi ósiremin dep olardan para alǵan kórinedi. Sondaı-aq qyzmetkerlerine qysym kórsetip, syıaqyǵa bólingen qarjynyń teń jartysyn jasyrǵan. Tekseris jumystaryn júrgizgen qarjy polısııasynyń qyzmetkerleri mekeme basshysynyń memleket múlkin óz paıdasyna jaratyp kelgenin anyqtady. Naqty aıtqanda, ol is-saparlarǵa qatysty bıletti ushaqqa alyndy dep toltyrtyp, ózi poıyzben júrgen. Al artylǵan qarajatty jeke qajettiligine jaratqan eken. Munan ózge, mekemege bólingen janar-jaǵarmaı men avtokólik bólshekterine de suq qolyn suqty dep aıyptalýda. Esterińizge sala keteıik, Batys óńirlik aeromobıldi jedel qutqarý jasaǵy Atyraý, Batys Qazaqstan, Aqtóbe jáne Mańǵystaý oblystaryna qyzmet kórsetedi.
«Batys óńirlik aeromobıldi jedel qutqarý jasaǵy basshysyna qatysty para aldy degen kúdikpen Qylmystyq kodekstiń 311-babynyń 4-bóligi boıynsha eki qylmystyq is qozǵaldy. Kúdiktige 7 jyldan 12 jylǵa deıin bas bostandyǵynan aıyrý jáne dúnıe múlkin tárkileý jazasy taǵaıyndalýy múmkin», - deıdi oblystyq ekonomıkalyq qylmysqa jáne sybaılas jemqorlyqqa qarsy kúres departamenti basshysynyń orynbasary Zańǵar Zańqanov.
Baqytbek Keneshuly.
Derekkóz: «Qazaqstan» telearnasy
Foto: «Qazaqstan» telearnasy.