Zań talabynyń oryndalýy qaı kezeńde de óz mańyzyn joımaǵan. Biraq, qylmystyń oryn alýy ár jyldary árqıly sıpat alyp otyr. Máselen, Qyzylorda oblysynyń Jańaqorǵan aýdanynda ótken jylmen salystyrǵanda, túrli deńgeıdegi qylmys 17,6 paıyzǵa (448-den 527-ge) ósken. Bul jerde urlyqqa qatysty qylmystyń sany basym bolyp tur.Sonymen birge, qoǵamdyq orynda jasalǵan qylmystar 89-dan 152-ge (70,7 paıyz), mas kúıinde qylmys jasaý 58-den 82-ge (41,3 paıyz) jáne buryn sotty bolǵandarmen qylmys jasaý 11-den 2-ge (9,1 paıyz) ósti. Degenmen, aýyr qylmystar 56-dan 32-ge nemese 42,8 paıyzǵa kemidi. Al kisi óltirý 3-ten 1-ge nemese 66,6 paıyzǵa, qorqytyp alý 4-ten 2-ge nemese 50 paıyzǵa, esirtki 6-dan 3-ke nemese 50 paıyzǵa tómendedi.Jalpy,biz árbir qylmystyń jiti tekserilýin baqylaýda ustap, azamattardyń shaǵymyna zeıin qoıamyz. Oblystyq prokýratýranyń júktegen mindeti osyndaı. Osynyń negizinde jasyrylǵan qylmystar áshkerelendi.
Prokýrorlyq qadaǵalaýdyń kúsheıtilýi nátıjesinde qylmystar týraly aryzdar men habarlamalar boıynsha der kezinde sheshim qabyldaý tıimdiligi, ıaǵnı úsh táýlikte sheshim qabyldaý buryńǵyǵa qaraǵanda jaqsara tústi. Mundaı júıeli jumys azamattardyń quqyqtaryn zań turǵysynan qorǵaýǵa negiz qalap otyr.Sózimizge dálel bolý úshin myna okıǵany aıta ketken jón bolar.Aýdandyq ishki ister bólimi KPB-niń jedel ýákili E.B. dánekerleý apparatynyń urlaný oqıǵasy boıynsha qozǵalǵan qylmystyq iske qatysy bar degen seziktini tirek pýnktinde eshqandaı hattama toltyrmaı, 3 saǵattan artyq zańsyz ustaǵan. Bastysy, aldyn ala tergeý men anyqtaýdyń sapasyn jaqsartýǵa baǵyttalǵan jumystardyń nátıjesinde aýdandyq sotpen jeke qaýlynyń shyǵarylýy, qylmystyq istiń prokýratýra men sottan qosymsha tergeýge joldanýy oryn alǵan joq. Osy rette, tergeý merzimi buzylyp aıaqtalǵan qylmystyq isterdiń sany 31,5 paıyzǵa (38-den 26-ǵa) azaıtylǵanyn eske salamyz. Sondaı-aq tergeý óndirisindegi qylmystyq isterge jazbasha nusqaý berilip, 21 adam tártiptik jazaǵa tartyldy.
Almat Abdýllaev,
Qyzylorda oblysy, Jańaqorǵan aýdany prokýrorynyń aǵa kómekshisi