Oblysta aýyl adamdarynyń sany azaıý baǵytynan tanar emes. Sońǵy bes jyl ishinde óńirdegi aýyldyq eldi mekenderdiń halqy 4,5 paıyzǵa kemigen, bul 20 myńdaı adam degen sóz. Al, ol oblystaǵy iri bir aýdannyń halqymen para-par. Aýyldan kósh toqtaǵan joq. Byltyr ǵana aýyldan ketkenderdiń qarasy 0,5 paıyzdy quraǵan. Qazir Qostanaı oblysynda qaladaǵylardyń sany 454400 adam, ıaǵnı oblystaǵy barlyq halyqtyń 51,6 paıyzy, al aýyldaǵylardyń sany 426530, ıaǵnı barlyq qostanaılyqtardyń 48,4 paıyzyn quraıdy.
Oblysta aýyl adamdarynyń sany azaıý baǵytynan tanar emes. Sońǵy bes jyl ishinde óńirdegi aýyldyq eldi mekenderdiń halqy 4,5 paıyzǵa kemigen, bul 20 myńdaı adam degen sóz. Al, ol oblystaǵy iri bir aýdannyń halqymen para-par. Aýyldan kósh toqtaǵan joq. Byltyr ǵana aýyldan ketkenderdiń qarasy 0,5 paıyzdy quraǵan. Qazir Qostanaı oblysynda qaladaǵylardyń sany 454400 adam, ıaǵnı oblystaǵy barlyq halyqtyń 51,6 paıyzy, al aýyldaǵylardyń sany 426530, ıaǵnı barlyq qostanaılyqtardyń 48,4 paıyzyn quraıdy.
Kóshi-qonnyń toqtamaýy aýyl halqynyń azaıýyna basty sebep bolyp otyr. Eń aldymen, aýyldan qalaǵa kósh tyıylar emes. Onyń syrtynda kórshi Reseıge júkterin býyp jatqandar da az emes. Mysaly, ótken 2013 jyldyń qańtar-qarasha aılarynda aýyl-selodan 3787 adam kóship ketken. Olardyń bir myńnan astamy shetelge, 1320 adam elimizdiń basqa oblystaryna, al qalǵandary Qostanaı oblysynyń qalaly jerlerine qonys aýdarǵan. 2009 jyldan beri oblys óńirinde 54 aýyldyń jurty ǵana qaldy.
Oblys aýdandarynyń barlyǵynda derlik aýyl adamdarynyń kóp jyldan beri kóshý týraly oıy ózgermegen. Tek oblys ortalyǵynyń irgesindegi Qostanaı aýdanyna qarasty aýyldar turǵyndary ózderin kóńili ornyqqandaı sezinedi. Bul aýdan halqy tek tabıǵı ósimmen ǵana emes, oblystyń ózge aýdandarynan kóship kelgender esebinen kóbeıip keledi. Sebebi, alys aýdandar halqynyń barlyǵy da qala mańynan oryn tepkendi durys kóredi.
Názıra JÁRIMBETOVA,
«Egemen Qazaqstan».
Qostanaı.