Qazaqstandyq tennısshi Zarına Dıas Avstralııa ashyq chempıonatynda taǵy da jeńiske jetip, kelesi kezeńge shyqty.
Ekinshi kezeńde ol álemniń 150-raketkasy, jańazelandııalyq tennısshi Marına Erakovıchpen kezdesip, qarsylasyn 6:4, 6:0 esebimen utty. Endi kelesi oıynyn Zarına rýmyn Sımona Haleppen ótkizedi.
Al qazaqstandyq taǵy bir tennısshi Galına Voskoboeva ekinshi kezeńnen óte almady. Ol álemniń 16-raketkasy, ıspan Karla Sýares-Navarrodan 6:7, 6:3, 6:8 esebimen jeńilip qaldy. Buǵan deıin jarystan Iаroslava Shvedova men Iýlııa Pýtınseva shyǵyp qalǵan edi. Sodan keıin olardyń jolyn erler arasynan Mıhaıl Kýkýshkın, Andreı Golýbev pen Aleksandr Nedovesov te qaıtalady. Olardyń bári alǵashqy kezeńnen ári asa almady.
Qazaqstandyq tennısshi Zarına Dıas Avstralııa ashyq chempıonatynda taǵy da jeńiske jetip, kelesi kezeńge shyqty.
Ekinshi kezeńde ol álemniń 150-raketkasy, jańazelandııalyq tennısshi Marına Erakovıchpen kezdesip, qarsylasyn 6:4, 6:0 esebimen utty. Endi kelesi oıynyn Zarına rýmyn Sımona Haleppen ótkizedi.
Al qazaqstandyq taǵy bir tennısshi Galına Voskoboeva ekinshi kezeńnen óte almady. Ol álemniń 16-raketkasy, ıspan Karla Sýares-Navarrodan 6:7, 6:3, 6:8 esebimen jeńilip qaldy. Buǵan deıin jarystan Iаroslava Shvedova men Iýlııa Pýtınseva shyǵyp qalǵan edi. Sodan keıin olardyń jolyn erler arasynan Mıhaıl Kýkýshkın, Andreı Golýbev pen Aleksandr Nedovesov te qaıtalady. Olardyń bári alǵashqy kezeńnen ári asa almady.
«Barystyń» baby jaman emes
Qurlyqtyq hokkeı lıgasynyń «Shyǵys» konferensııasynda Astananyń «Barys» komandasy merziminen buryn pleı-off kezeńine shyqty.
Pleı-off kezeńine «Batys» jáne «Shyǵys» konferensııasynda alǵashqy segiz oryndy alǵan komandalar ǵana shyǵa alady. Astanalyqtar 9-orynda turǵan Vladıvostoktyń «Admıral» komandasy Chehııanyń «Lev» klýbynan utylǵannan keıin, ýaqytynan buryn pleı-off kezeńine joldama aldy. О́ıtkeni, qalǵan oıyndarynda qandaı jaǵdaı bolmasyn «Barys» segizdiktiń qatarynda qala beredi. Qazir «Shyǵys» konferensııasynda ekinshi orynda kele jatqan «Barysta» 45 oıynnan keıin 88 upaı bar.
Besinshi orynnan kórindi
AQSh-tyń Leık Plesıd qalasynda frıstaıldan ótken Álem kýbogynyń kezeńinde mogýl jarysy boıynsha synǵa túsken qazaqstandyq sportshy Iýlııa Galysheva besinshi oryndy ıelendi.
Álem kýbogy kezeńiniń jalpy esebinde Galysheva 180 upaımen altynshy orynǵa shyqsa, taǵy bir qazaqstandyq sportshy Darıa Rybalova 40 upaımen 25-orynda tur.
Esterińizge sala ketsek, Iýlııa Galysheva Sochı Olımpıadasyna alǵashqylardyń biri bolyp lısenzııa alǵan sportshymyz.
Jeńimpazdar anyqtaldy
Jaqynda Astanada tennısten ótken Qazaqstannyń qysqy chempıonaty aıaqtaldy.
Bul synda erler arasynda Denıs Evseev chempıon atansa, áıelder arasynda bas júldeni Ekaterına Klıýeva jeńip aldy. D.Evseev fınalda Tımýr Habıbýllınmen kezdesip, ony 6:1 jáne 6:3 esebimen utty. Fınalǵa deıin ol Ilıa Pavlenko, Qasymbek Aqjarqynovty jeńse, shırek fınalda Saǵadat Aıapty, jartylaı fınalda Qaısar Bekimovti utty. Al E.Klıýeva bolsa, eki saǵatqa sozylǵan fınaldyq aıqasta Aleksandra Grınchıshınadan 5:7, 6:1, 6:3 esebimen basym tústi. Ol da fınalǵa deıin birneshe qarsylasynan jaqsy óner kórsetti. Mysaly, chempıonattyń alǵashqy kúni Ǵaını Ybyrashevadan, ekinshi kúni Dına Jámıevadan, shırek fınalda Jibek Qulambaevadan, al jartylaı fınalda Anastasııa Epıshevadan aılasyn asyrdy.
Erler arasynda juptyq kezdesýde Tımýr Habıbýllın men Dmıtrıı Popko chempıon atandy. Olar fınalda Alekseı Kedrıýk pen Denıs Evseevti 6:2, 3:6, 11:9 esebimen tize búktirdi. Áıelder arasyndaǵy juptyq saıysta Ekaterına Klıýeva men Aleksandra Grınchıshına bas júldeni ıelendi. Bul jup sońǵy kezdesýde Anastasııa Epısheva men Ekaterına Gýbanovany 7:5, 5:0 esebimen jeńdi. Sońǵy ret qarsylastarynyń kortqa shyqpaýyna baılanysty oınalmady.
Dastan KENJALIN,
«Egemen Qazaqstan».