Qorǵanys mınıstrliginiń áskerı bólimderinde avtoqumarlar qoǵamy quryldy. Bul qoǵam Qarýly Kúshter áskerı qyzmetshileriniń qatysýymen jol-kólik oqıǵasyn boldyrmaýǵa, jol qozǵalysy erejesi týraly bilimdi jetildirý maqsatynda túsindirý jumystaryn júrgizýge arnalǵan.
Qorǵanys mınıstrliginiń áskerı bólimderinde avtoqumarlar qoǵamy quryldy. Bul qoǵam Qarýly Kúshter áskerı qyzmetshileriniń qatysýymen jol-kólik oqıǵasyn boldyrmaýǵa, jol qozǵalysy erejesi týraly bilimdi jetildirý maqsatynda túsindirý jumystaryn júrgizýge arnalǵan.
Taldyqorǵan garnızonyndaǵy Áskerı-áýe kúshteri Oqý ortalyǵynda áskerı tehnıkada jáne jeke kólikte jol-kólik oqıǵalarynyń aldyn alý jóninde konferensııa ótti. Konferensııada áskerı polısııa otrıadynyń qyzmetkerleri áskerı qyzmetshiler arasynda avtokólik júrgizýdiń mádenıetin arttyrý, sondaı-aq, jeke avtokólikti jol apatyna uryndyrmaý, qys merzimi kezinde paıdalanýdyń erekshelikteri jóninde sabaqtar ótkizdi.
Jol-kólik oqıǵasynyń aldyn alý sharalaryn ótkizý barysynda QK áskerı bólimderi áskerı qyzmetshilerine apat bolǵan jerden foto jáne beınematerıaldar kórsetilip, «Jol erejesin buljytpaı oryndaý – kólik quraldaryn apatsyz paıdalanýdyń kepili» atty kórneki úgit-nasıhat býkletteri taratyldy.
Qazaqstan Qarýly Kúshteri áskerı bólimderiniń komandırleri áskerı qyzmetshilerdiń jolda júrýde qyraǵy ári abaı bolýlaryn únemi qadaǵalap otyrady. Aǵymdaǵy jyly jol-kólik apatynyń aldyn alý maqsatynda jol qozǵalysynyń qaýipsizdigi jóninde «Jolaýshy nazar aýdaryńyz», «Avtokóliktiń qysqa ázirligi – apatqa uryndyrmaýdyń kepili», «QR QK áskerı bólimderi men mekemeleriniń parkterinde ishki qyzmetti uıymdastyrý barysynda quqyq buzýshylyqty eskertý jóninde» aılyqtar ótkizilmek.
«Egemen-aqparat».