2013 jylǵy 30 jeltoqsan, Astana, Úkimet Úıi
Ishki naryqta suıytylǵan munaı gazyn kóterme saýdada ótkizýdiń shekti baǵasyn bekitý týraly
«Gaz jáne gazben jabdyqtaý týraly» 2012 jylǵy 9 qańtardaǵy Qazaqstan Respýblıkasynyń Zańy 5-babynyń 6) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qazaqstan Respýblıkasynyń ishki naryǵynda suıytylǵan munaı gazyn kóterme saýdada ótkizýdiń 2014 jylǵy 1 qańtardan 31 naýryzǵa deıingi kezeńge arnalǵan shekti baǵasy qosylǵan qun salyǵyn esepke almaǵanda, tonnasyna 33 653,63 teńge (otyz úsh myń alty júz elý úsh teńge alpys úsh tıyn) mólsherinde bekitilsin. 2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.