Kúdikti oqý ordasynan 9 noýtbýk, 3 planshet, 3 vebkamera jáne 3 qulaqqap urlaǵan, dep habarlaıdy Egemen.kz Aqmola oblystyq Polısııa departamentiniń baspasóz qyzmetine silteme jasap.
Vedomstvonyń málimetinshe, bıyl 17 tamyzda oblys ortalyǵyndaǵy ýchaskelik polısııa ınspektoryna jergilikti mektepterdiń biriniń dırektorynan aryz tústi.
Dırektordyń sózinshe, bıylǵy jylǵy tamyzdyń 13-15 kúnderi aralyǵynda mektepten 9 noýtbýk, 3 planshet, 3 vebkamera jáne 3 qulaqqapty belgisiz bireý qoldy qylǵan. Keltirilgen shyǵyn kólemi 1,4 mıllıon teńgeden asady.
«Jedel izdestirý sharasy barysynda mekteptiń úsh kúzetshisiniń biri ustaldy. 28 jastaǵy er adam qylmysyn moıyndady», dedi vedomstvodan.
Qazirgi kezde, osy qylmysqa qatysty Qylmystyq kodekstiń 188 babynyń 1-shi bóligi «urlyq» boıynsha sotqa deıingi tergeý amaldary júrgizilýde.