General-leıtenant Nurlan Ermekbaev áýe keńistigin qorǵaý boıynsha qyzmetterdiń atqarylýyn tekserý úshin teńiz jaıaý áskerleriniń, arnaıy operasııalar kúshteri bólimsheleriniń jáne áskerı teńizshilerdiń jaýyngerlik daıarlyǵy júrip jatqan oqý alańdary men polıgondarǵa bardy, dep habarlaıdy Egemen.kz QR Qorǵanys mınıstrliginiń baspasóz qyzmetine silteme jasap.
Aqtaý avıabazasynda Áýe qorǵanysy kúshteriniń Bas qolbasshysy maıdandyq avıasııa jaýyngerleriniń kezekshilik atqarý tártibi, áskerı bólim ınfraqurylymy men obektilerin kúzetý jaǵdaıy týraly baıandady.
Tekseris barysynda qorǵanys vedomstvosynyń basshysy baǵynysty áskerlerdiń jaýyngerlik oqýyn uıymdastyrýǵa jaýapty laýazymdy adamdardy tyńdady.
Qorǵanys mınıstri sońǵy ýaqyttaǵy qarýly qaqtyǵystardyń tájirıbesin eskere otyryp engizilgen jańa áreketter men taktıkalyq ádisterdiń sapasyn baqylady.
Sondaı-aq joǵary qarqyndylyqty, jeke quramdy sabaqtarmen 100 paıyz qamtýdy jáne jaýyngerlik daıarlyq prosesiniń úzdiksizdigin qamtamasyz etý týraly nusqaýlar berildi.