18 tamyz kúni polısııaǵa oblys ortalyǵynyń turǵyny júgingen. Onyń aıtýynsha, ápkesi Elena Mazıtova 9 tamyzdan bastap iz-túzsiz joǵalyp ketken, dep habarlaıdy Egemen.kz О́skemen qalasy PB baspasóz qyzmetine silteme jasap.
Jumystan keıin úıge oralǵan turǵyn ápkesiniń úıde joq ekenin bilgen. Sodan beri ol otbasyna oralmaǵan.
Sondaı-aq, týysy Elena Mazıtova PND-de esepte turǵanyn jáne ony adasyp ketýi de múmkin ekenin aıtty.
«Elena Mazıtovanyń boıy 165-170 santımetr, beline deıin jetetin uzyn, qara shashty, qońyr kózdi. Joǵalǵan kúni uzyn jeńde qara jempir, ashyq-qońyr beldigi bar kók djınsy jáne qara qysqa etik kıgen», dedi О́skemen qalasy PB baspasóz qyzmeti.
Eger Elenanyń qaıda ekenin biletin nemese ony kórgen adam bolsa 8-771-466-54-38 nemese 102 jedel arnasyna habarlaı alady.