Nur-Sultanda qolyna pyshaq ustaǵan er adam dárihanany tonap, kompıýterlik klýbqa bardy, dep habarlaıdy Egemen.kz Nur-Sultan qalasy polısııa departamentiniń baspasóz qyzmetine silteme jasap.
«Saǵat 22.30-da 102-arnaǵa tonaý faktisi boıynsha habarlama kelip tústi. Qońyraý shalýshynyń aıtýynsha, belgisiz bireý B. Momyshuly dańǵylynda ornalasqan dárihananyń qyzmetkerin pyshaqpen qorqytyp, kassasynan 30 myń teńge urlap ketken. Kúdiktini ustaýǵa polısııanyń jeke quramy baǵyttaldy», delingen habarlamada.
Tergeý barysynda keshki saǵat on shamasynda dárihanaǵa medısınalyq maskadaǵy belgisiz er adam kelip, dári-dármektiń bar-joǵyn suraǵany anyqtaldy.
«23 jastaǵy farmasevt dári-dármekti izdeýge jónelgen kezde, er adam artynan júgirip, ony ustap alyp, moınyna pyshaq salyp, kassadan aqsha talap etýin bastady. Nátıjesinde aqshany urlap alǵan kúdikti belgisiz baǵytqa qashyp ketken. Jedel ýákilder dárihanadan júgirip kele jatqan jigitti baıqaǵan kýágerlerdi tergedi. Kóshelerde ornalasqan beınebaqylaý kameralary boıynsha kúdiktiniń qaı jerge qashqany anyqtaldy», dep habarlady polısııadan.
Kompıýterlik klýbtardyń birin tekserý kezinde kúdiktige uqsas 26 jastaǵy jigit ustaldy. Jeke tekserý kezinde sýyq qarý men urlanǵan aqsha tabyldy. Ol kinásin tolyq moıyndady.
Atalǵan derek boıynsha qylmystyq is qozǵalyp, qylmysker ÝUI-ǵa qamaýǵa alyndy.