QR Ulttyq mýzeıinde Nur-Sultan qalasy ákimdiginiń uıymdastyrýymen «Dinı fýndamentalızmniń dinı-saıası ózekti máseleleri» taqyrybynda semınar ótti, dep jazady Egemen.kz.
Semınarǵa QR Aqparat jáne qoǵamdyq damý mınıstrligi Din isteri komıtetiniń tóraǵasy Erjan Núkejanov, Nur-Sultan qalasy ákimdigi Din isteri basqarmasynyń basshysy Nurdáýlet Álmuhanov, QMDB Tóraǵasynyń orynbasary, Naıb múftı Ershat Ońǵarov jáne QMDB Nur-Sultan qalasyndaǵy ımamdary qatysty.
«Is-shara barysynda E.Núkejanov Din isteri komıteti qyzmetiniń úsh negizgi baǵyty, sonyń ishinde halyq arasyndaǵy aqparattyq-túsindirý jumystary, ınternet-keńistikte dinı ekstremızm kórinisteriniń aldyn alý, destrýktıvti dinı aǵym ustanýshylaryn ońaltý jáne olardy áleýmettik ortaǵa qaıta beıimdeý sharalary týraly aıtyp berdi», dep jazady Aqparat mınıstrliginiń baspasóz qyzmeti.
Sonymen qatar QMDB meshit ımamdarynyń bilimi men biliktiligin arttyrý, tyıym salynǵan aǵymda júrgen azamattardy ońaltý jáne olardy qaıta beıimdeý, sondaı-aq ınternet keńistikte jumys jasaıtyn dinı qyzmetkerlerdiń zamanaýı kommýnıkasııalyq daǵdysyn damytý jóninde birqatar usynys aıtty.
Is-shara sońynda qatysýshylar din salasyndaǵy memlekettik saıasatty júzege asyrý jóninde ary qaraı yntymaqtastyqqa daıyn ekenin bildirdi.