Sıngapýr menedjmentti damytý ınstıtýtynyń qabyrǵasynda el Táýelsizdiginiń 30 jyldyǵyna oraı foto kórme uıymdastyryldy, dep habarlaıdy Egemen.kz QR Syrtqy ister mınıstrligine silteme jasap.
Kórmede elimizdiń ǵylymı-tehnıkalyq jetistikteri jáne túrli etnostyq toptardyń san qyrly mádenıeti týraly foto jáne beınematerıaldar usynyldy.
Is-shara barysynda Qazaqstan Elshisi Arken Arystanov elimizdiń táýelsizdik jyldaryndaǵy negizgi jetistikteri týraly aıtyp, ózekti saıası jáne ekonomıkalyq reformalarǵa toqtaldy.
Sıngapýrdyń Qazaqstandaǵy Elshisi Zýlkıflı Baharýdın qatysýshylardy aıtýly kúnmen quttyqtaı otyryp, Ortalyq Azııa óńirindegi kóshbasshy el retinde Qazaqstannyń jarqyn bolashaǵynyń keń perspektıvalaryn alǵa tartty.
«MDIS» prezıdenti Erık Kýan Qazaqstannyń jetistikterine tańdanysyn bildirdi.
Kórme sońynda eldiń ǵylymı-tehnologııalyq damýyn qoldaý jónindegi sharalar talqylandy.