Sońǵy 2 aptada Eýropanyń 33 elinde koronavırýs juqtyrý deńgeıi kúrt kóterildi, dep jazady Egemen.kz.
Bul týraly Dúnıejúzilik densaýlyq saqtaý uıymy Eýropalyq bıýrosynyń dırektory Hansa Klıýge málimdedi. Onyń aıtýynsha, taǵy bir alańdatatyn másele – ekpe saldyrý isiniń baıaý júrip jatqandyǵy. Osyǵan baılanysty kovıdten kóz jumǵandar qatary da artyp barady. Boljam boıynsha, qysqa qaraı atalǵan indetten 230 myńnan astam adam kóz jumýy múmkin. Sarapshylar koronavırýstyń órshýine «Delta» shtamynyń tez taralýy basty sebep deıdi. Sondaı-aq mýtasııanyń beleń alýyna karantındik shekteýlerdiń jeńildeýi men jazǵy demalystar da qolaıly jaǵdaı týǵyzǵan.