Maqsat aıqyn, erik-jigerimiz bekem

Qazaqstan Respýblıkasynyń Prezıdenti N.Á.Nazarbaevtyń Qazaqstan halqyna arnaǵan ár jylǵy Joldaýy – Táýelsiz eli­mizdiń tarıhyndaǵy bir-bir kezeń. Uzaq perspektıvaǵa belgilengen mindetterdi bir-birinen ajyratyp alyp qaraýǵa bolmaıdy. О́ıtkeni, alǵa qoıylǵan mejeler bir-birimen tyǵyz baılanysty, jyl saıyn údeı jalǵasyp, halqymyzdy jańa belesterge jetektep keledi. Eń bastysy, onda bolashaqty baǵ­darlaǵan naqty maqsattar kóri­nis tapqan. Adam balasynyń alǵa umtylyp, búgingiden erteń baqyt­tyraq bolǵysy keletini tabıǵı zańdylyq.

Qazaqstan Respýblıkasynyń Prezıdenti N.Á.Nazarbaevtyń Qazaqstan halqyna arnaǵan ár jylǵy Joldaýy – Táýelsiz eli­mizdiń tarıhyndaǵy bir-bir kezeń. Uzaq perspektıvaǵa belgilengen mindetterdi bir-birinen ajyratyp alyp qaraýǵa bolmaıdy. О́ıtkeni, alǵa qoıylǵan mejeler bir-birimen tyǵyz baılanysty, jyl saıyn údeı jalǵasyp, halqymyzdy jańa belesterge jetektep keledi. Eń bastysy, onda bolashaqty baǵ­darlaǵan naqty maqsattar kóri­nis tapqan. Adam balasynyń alǵa umtylyp, búgingiden erteń baqyt­tyraq bolǵysy keletini tabıǵı zańdylyq.

Biz, buqaralyq aqparat tara­týshylar, el ishinde kóp bolamyz, olardyń talap-tilegin bile­miz. Kórermenderimiz ben tyń­dar­mandarymyzdyń osy Joldaýdy qalaı asyǵa kútkenin kózimizben kórip otyrmyz. Osy turǵydan qaraǵanda, meni Joldaýdyń, ásirese, otandastarymyzdyń áleý­mettik ahýaly jaqsarýyna qatys­ty aqparat qatty tolqytty ári qýantty da. Eń bastysy, árı­ne, jalaqy deńgeıiniń ósimi. Mem­leket basshysy eki qolǵa jumys taba almaı júrgenderge nazar aýdarýdy usyndy. Bul turǵyda júrgizilip jatqan sharalar endi múlde jańa serpinmen damytylýǵa tıis. Ásirese, múgedekter, jár­dem­aqyǵa ómir súrip kele jat­qan jáne ózge de jandarǵa qoly­nan keletin jumys taýyp berý qajettigine Prezıdent atap toq­taldy. Al buqaralyq aqparat qu­ral­daryndaǵy málimetterge qaraǵanda, olardyń sany 600 myńǵa jetip otyr. Bul óte oryndy usynys dep sanaımyn. Sonda ǵana qorǵansyz qalǵan jandarǵa laıyqty jaǵdaı jasaı alamyz.

Qazir elimizdiń Parlamenti «Jas­tar saıasaty týraly» zań jobasyn qarap jatyr. Depýtattardyń el aımaqtaryna shyǵyp, halyqpen kezdesýlerinde saılaýshylar jas­tarǵa qoldaý-kómek kórsetý jaıyn jıi aıtatyn. Endi, mine, oǵan da qol jetkizilýde. 2016 jyldan bas­tap stýdentterdiń stıpendııalary 25 paıyzǵa ósiriletin boldy.

Biraz jyldan beri jalaqy deńgeıi óspegeni, tıisinshe, ınflıasııa qarqyn alyp bara jatqany – shyndyq edi. Joldaýdy zertteı oqyp otyrsańyz, endigi jerde jalaqyny ósirý ınflıasııanyń ornyn jaýyp qana qoımaı, aza­mat­tardyń erkin tynys alýyna múm­kindik bermek. Prezıdenttiń sózinen estigenimizdeı, qazirgi kezde el turǵyndarynyń 97 paıy­zy áleýmettik ahýaldyń turaq­ty­lyǵyn jáne onyń jyl ótken saıyn jaqsara túskendigin atap ótken.

Joldaýda el turǵyndarynyń áleýmettik-turmystyq jaǵdaıyn aıtarlyqtaı arttyrýǵa baılanysty memlekettik organdar men «Nur Otan» partııasyna zor jaý­apkershilik júkteldi. Buqara halyqtyń kóptegen túıtkildi má­sele­lerin sheshýde belsendi áre­ket etip kele jatqan bizdiń par­tııa­myzdyń da úlesi kóp. Kórip júrgenimizdeı, qabyldaý bólme­leri arqyly nemese kezdesýlerde qarapaıym turǵyndardyń muń-muqtajyn jan-jaqty qarap, tıisti memlekettik organdarǵa usynystar ázirleýmen qatar, olar­dyń naqty sheshiminiń bolýy da jiti qadaǵalanady.

Osy turǵydan kelgende, «Qa­zaq­stan-2050» Strategııasy bul eldigimizdiń onjyldyqtarǵa ba­ǵytyn aıqyndap bergen mańyzdy qujat bolýymen qatar, jaqyn jyldarǵa ne isteý kerek degen mindetterdi moınymyzǵa júk­tep otyr. Biz buqaralyq aqparat qu­ral­darynyń jumysyn Jol­daý qaǵıdalaryna qaraı qaı­ta qu­ryp, túsindirý, nasıhat sha­ra­laryn naqty mysaldar­men, adamdar ortasynda bolyp, árbir qazaqstandyqtyń múd­desi turǵysynda júrgizýge tıis­piz. Buǵan múmkindik tolyq, jýr­nalıstik tájirıbemiz de jet­kilikti. Osy oraıda, shalǵaıdaǵy aý­dandardyń, qıyrda jatqan shaǵyn eldi mekenderdiń tynys-tirshiligin zerttep, olardyń oı-armanyn or­taǵa salyp otyrý biz sııaqty oblys jýrnalısteriniń boryshy ekenin jaqsy túsinemiz.

Memleket basshysynyń bıyl­ǵy Joldaýy «Qazaqstan-2050» Strategııasynan týyndaıtyn mindetterdiń árbireýi qoǵamdyq ómirdiń barlyq salasyndaǵy árbir sanaly azamattyń kúndelikti qyzmeti men tirshiligine tikeleı qatysty. Ásirese, qoǵamdy alań­datyp kelgen qazaq tiliniń máse­lesine ekpin berýi óte oryn­dy boldy dep oılaımyn. Prezı­den­timizdiń saltanatty túrde má­limdegen myna sózderi meniń zamandastarymnyń árqaısynyń júregin tebirentkenine kámilmin. «Endi eshkim ózgerte almaıtyn bir aqıqat bar! Ana tilimiz Máńgilik Elimizben birge Máńgilik Til boldy, – dedi Elbasymyz. – Bul má­se­leni daýdyń taqyryby emes, ult­tyń uıytqysy ete bilgenimiz jón». Ana tilimizdiń bolashaǵy jarqyn bolaryna degen nyq senim osyndaı-aq bolar!

Erlan TOQShYLYQ,

«Qazaqstan-Petropavl» oblystyq

telearnasynyń dırektory, Petropavl

qalalyq máslıhatynyń depýtaty.