Ýkraınadaǵy oppozısııa ókilderi Lvov, Ternopol men Kıev qalalaryndaǵy ákimshilik ǵımarattardy basyp aldy. Bul týraly ITAR-TASS habarlady.
Osylaısha, oppozısıonerlerdiń Cherkass qalasyndaǵy oblystyq ákimshilik ǵımaratyna jasaǵan shabýyldary sátsiz aıaqtaldy. Mundaǵy shabýylǵa qatysqan ondaǵan adam tutqyndaldy. Al Lvov qalasyndaǵy ákimshilik ǵımaratynyń aldyna 2 myńǵa jýyq adam jınalyp, gýbernator Oleg Salonyń syrtqa shyǵýyn talap etken. Aqyry, sheneýnik shyqpaǵan soń ashýǵa mingen ereýilshiler ǵımaratqa basyp kirdi. Mundaı áreketti kútpegen tártip saqshylary narazy topty toqtata almaǵan. Jergilikti aqparat kózderiniń habarlaýynsha, ereýilshiler gýbernatordy otsavkaǵa ketý týraly ótinishin jazýǵa májbúrlep, óz degenderine jetken. Sondaı-aq eldiń batysyndaǵy Rovno qalasynda da turǵyndar ákimshilik ǵımaratyn basyp alǵan. Olar da gýbernator Vasılıı Bertashtyń otstavkaǵa ketýin jáne bılikten «Búrkit» arnaıy jasaǵynyń sarbazdaryn Kıevten alyp ketýin talap etken.
Lvov oblysynyń ishki ister organdary ereýilshilerdiń oblystyq ákimshilik ǵımaratyn basyp alý faktisi boıynsha sotqa deıingi tergeý amaldaryn bastap ketti. Al ereýilshiler bolsa, Lvov pen Rovnodaǵy basyp alǵan ǵımarattarynyń aınalasyna barrıkadalar quryp, mekemeni ońaılyqpen bosatýǵa nıetteri joq ekenin kórsetti.
Aıdar О́risbaev.
Derekkóz: Itar-tass.com
Foto: Itar-tass.com