Nur-Sultanda vaksınalanǵandar arasynda taǵy eki iPhone12 jáne basqa da baǵaly syılyqtardyń jeńimpazdary belgili boldy, dep habarlaıdy Egemen.kz.
Taǵy eki iPhone12 men turmystyq tehnıkanyń segizinshi utys oıyny 28 tamyzda (senbi) saǵat 17:00-de Nur-Sultan qalasy ákimdiginiń áleýmettik jelilerdegi (Facebook, YouTube) paraqshalarynda tikeleı efırde ótti. Segizinshi utys oıynyna 21 tamyz ben 27 tamyz aralyǵynda (qosa alǵanda) vaksınasııalanǵandar qatysty.
Segizinshi utys oıynynyń jeńimpazdary: 1) № 7613 Ádilbek Ábenov – iPhone 12;
2) № 197 Gúljazıra Nuǵymanova – iPhone 12;
3) № 2507 Kereeva Dınara Zarapovna – tońazytqysh;
4) № 6689 Kýmakov Sabyrjan Saılaýbekuly – teledıdar;
5) № 5186 Hamıtova Dıdar Amangeldınovna – kir jýǵysh mashına.
Vaksınalanǵandardyń arasynda sońǵy úlgidegi iPhone telefonynyń 19 danasy, 6 tońazytqysh, 4 teledıdar, 2 planshet, 4 mıkrotolqyndy pesh, 5 prınter, 2 beınetirkegish, kir jýǵysh mashınalar, Alısa aqyldy kolonkasy, aýa ylǵaldandyrǵysh jáne t.b. oınatyldy.
Baǵaly syılyqtardyń utys oıyndary qala turǵyndary men qonaqtaryn vaksınalaýǵa yntalandyrý úshin ótkiziledi. Tek vaksınasııa sizdiń de densaýlyǵyńyzdy, jaqyndaryńyz ben aınalańyzdaǵy adamdardyń da densaýlyǵyn qorǵaýǵa múmkindik beredi. О́ıtkeni, basty maqsat – ujymdyq ımmýnıtetti damytý jáne burynǵy karantınge deıingi rejımge oralý.