Búgin Kaırde qatarynan úsh birdeı jarylys oryn aldy. Bul týraly 24.kz habarlady.
Alǵashqy jarylys Kaır ortalyǵyndaǵy qaýipsizdik kúshter basqarmasynyń dál janynda bolǵan. Eldiń ishki ister mınıstriniń habarlaýynsha, oqıǵadan keminde 5 adam qaza taýyp, taǵy 60-tan astamy jaraqat alǵan. Bomba jarylǵan jerde dıametri 6 metrlik shuńqyr paıda boldy. Sondaı-aq ǵımarattarǵa da aıtarlyqtaı zııan keltirilgen. Ekinshi jarylys el astanasynyń batysyndaǵy metro stansasy mańynda oryn aldy. Bul jolǵy lańkestik áreketten 1 adam kóz jumyp, 15-i jaraqat alǵan. Sońǵy jarylystan zardap shekkender týraly ázirge aqparat túsken joq. Teraktilerden keıin qalada atys-shabys bastalyp ketti degen málimet te bar. Oqıǵa oryndaryna ondaǵan jedel járdem toby men qutqarýshylar qyzmeti jiberilgen. Qaladaǵy qaýipsizdik sharalary joǵary deńgeıge jetkizilip, qosymsha kúshter tartylýda. Búgingi lańkestik áreketti «Ál-Kaıdamen» baılanysy bar «Ansar Beıt ál-Makdıs» uıymy óz moınyna alyp otyr.
Aıdar О́risbaev.
Derekkóz: 24.kz
Foto: Itar-tass.com