«Egemen Qazaqstan» gazetiniń №283 (27.12.2013 j.) nómirinde «Janaıqaı» aıdarymen «Aralas mektepke aınaldyrý aǵattyq» degen maqala jarııalanǵan edi. Onda Rıdder qalasyndaǵy memlekettik tildegi mektepti aralas bilim uıasyna aınaldyrý máselesi sóz bolǵan edi. Soǵan oraı, bir top gazet oqyrmandarynan kelgen hatty nazarlaryńyzǵa usynyp otyrmyz.
«Egemen Qazaqstan» gazetiniń №283 (27.12.2013 j.) nómirinde «Janaıqaı» aıdarymen «Aralas mektepke aınaldyrý aǵattyq» degen maqala jarııalanǵan edi. Onda Rıdder qalasyndaǵy memlekettik tildegi mektepti aralas bilim uıasyna aınaldyrý máselesi sóz bolǵan edi. Soǵan oraı, bir top gazet oqyrmandarynan kelgen hatty nazarlaryńyzǵa usynyp otyrmyz.
Derbes el bolǵanymyzǵa jıyrma jyldan artyq ýaqyt ótse de, quldyq psıhologııadan, basqa ulttarǵa jaltaqtaýdan, jalpaqtaýdan, mazaq bolýdan, óz ultymyzdyń taǵdyryna nemkettilikten áli aryla almaı kele jatqanymyzǵa zyǵyrdanymyz qaınaıdy.
Basqa ulttarǵa jaǵympazdaný esebinen saıası upaı jınaý, mansapqorlyq, jalǵan ınternasıonalıstik ákimqaralardyń arasynda qashan tyıylar eken?
Biz Rıdder ákiminiń aralas mektep ashýǵa qumarlyǵyn osylaı baǵalaımyz. Bul namyssyzdyq pa qalaı? Rıdderde basqa problema bitip, aralas mektep ashý ǵana qaldy ma?
Ákim myrza, sizdi oblys ákimi Berdibek Saparbaev Rıdderge aralas mektep ashýǵa jibermegen shyǵar. Qalada basqa másele de jetip-artylady ǵoı. Sizdiń myna sózińizdi qalaı túsinýge bolady: «Iа voobshe za smeshannýıý shkolý, chtoby podderjat drýjeskıe otnoshenııa mejdý nasııamı».
Elbasymyz memlekettik tildi damytýdy bıylǵy Joldaýynda da basym baǵyttardyń biri retinde atady. Keıde Memleket basshysynyń osyndaı janashyrlyq qadamyn ákimqaralar túsinbeı, ózderinshe is isteıtini janymyzǵa batady. Jalpy, olardyń mindeti, aralas mektep ashý emes, Memleket basshysynyń tildi damytý jónindegi tapsyrmasyna saı, taza qazaq mektebin kóbeıtý, jastarǵa qazaqı tárbıe berý, boılaryna ulttyq patrıotızmdi sińirý, elin súıýge, ultyn qadirleýge baýlý dep bilemiz.
Biz eldegi tynyshtyqty, halyq arasyndaǵy tatýlyqty, aýyzbirshilikti, dostyqty tileımiz, jaqtaımyz, esh qarsylyǵymyz joq. Tek memlekettik mártebege ıe qazaq tiliniń aıasyn taryltpasa eken. Bizdiń bir kúdigimiz bar, joǵaryda aıtqan, «Egemen Qazaqstanda» jarııalanǵan maqalany ákim myrza oqymaǵan sekildi. Eger tanyssa, osy ýaqytqa deıin bir jaýap berer edi. Biz bas basylymǵa aldymyz 50 jyldan artyq, kemi 20 jyl shamasynda turaqty jazylyp kele jatqan oqyrmandarmyz. Gazette shyqqan árbir maqalany oqyp otyramyz. Myna «Janaıqaımen» de tanystyq. Onda kóterilgen másele oryndy. Qazaq mektebin aralasqa aınaldyrýǵa qarsy ekenimizdi bildiremiz.
Á.Saǵı, M.Toqtaýov, O.О́teýov, A.Tektiǵul, Q.Zerbaev,
N.Sısenbaev, N.Esimov, Ǵ.Ahmetov, Q.Qazyqbaev,
A.Muqanov, S.Aıdapkel, t.b.
barlyǵy – 31 adam.