Oblys aýmaǵynda qys qytymyrlana túsýde. Tótenshe jaǵdaılar departamentiniń habarlaýynsha, 20 qańtardan bastap barlyq baǵyttardaǵy joldardy jabý jıilegen. Máselen, sońǵy eki táýlikte ǵana 127 avtokólik pen 246 adam qar qursaýynda qalǵan. Iz-túzsiz ketken bes adamnyń tórteýi tabylǵanymen, bireýinen áli derek joq. Boran Atbasar aýdanyndaǵy Qarajar aýylynda jerleý rásimine qatysqan 20 kólik pen 50 adamdy bir kún boıy ábigerge túsirdi. Qutqarýshylar olardy jaqyn mańdaǵy telemunara ǵımaratynda panalatýǵa májbúr bolǵan.
Oblys aýmaǵynda qys qytymyrlana túsýde. Tótenshe jaǵdaılar departamentiniń habarlaýynsha, 20 qańtardan bastap barlyq baǵyttardaǵy joldardy jabý jıilegen. Máselen, sońǵy eki táýlikte ǵana 127 avtokólik pen 246 adam qar qursaýynda qalǵan. Iz-túzsiz ketken bes adamnyń tórteýi tabylǵanymen, bireýinen áli derek joq. Boran Atbasar aýdanyndaǵy Qarajar aýylynda jerleý rásimine qatysqan 20 kólik pen 50 adamdy bir kún boıy ábigerge túsirdi. Qutqarýshylar olardy jaqyn mańdaǵy telemunara ǵımaratynda panalatýǵa májbúr bolǵan.
Departamenttiń jedel kezekshisi, kapıtan Aslan Nurqanovtyń málimdeýinshe, óńirde kúrdeli jaǵdaı qalyptasyp, qar qursaýyndaǵy adamdardan saǵat saıyn tótenshe habarlar túsýde. Máselen, «Almaty-Ekaterınbýrg» avtojoly boıyndaǵy Qazaq beketi mańynda 10 jolaýshysy bar tórt kólik qar keptelisine tap bolǵan. Semenov selosyna taıaý jerde 12 júk kóligi men 15 jeńil avtomashına qar astynan tazartyp alyndy. Atbasar aýdanyndaǵy Pokrovka-Poltavka selolarynyń aralyǵynda toqtap qalǵan 10 kóliktiń 20 jolaýshysy da kómek suraýǵa májbúr boldy.
Sondaı-aq, «Qorǵaljyn-Barshyn» jolynda jeti júk kóligi men 15 jolaýshysy bar avtobýs qutqarýshylar tarapynan júrgizilgen sharalar nátıjesinde qaýipsiz jerge jetkizildi. Al, Astana mańynda boran 11 júk jáne 25 jeńil kólikterin qalyń qarmen shegendep tastaǵan. Mundaǵy 40 jolaýshy da jyly oryndarǵa jetkizildi.
Aýa raıynyń kúrt buzylýy týraly eskertýge qaramastan, keshkisin maldaryn izdeýge shyqqan Jaqsy aýdanyndaǵy Tarasov aýylynyń turǵyndary Nurhan Saızırov pen Dýman Ysqaqovtan uzaq ýaqyt habar bolmaǵan. Izdeý brıgadasy olardy tań ata taýyp, aýdandyq aýrýhanaǵa jetkizdi. Shortandy poselkesi men Stepnoı selosy aralyǵynda adasqan Grýzov pen Odovenko da qutqarýshylar kómegimen úılerine oraldy. Biraq, izdeý sharalarynyń bári sátti aıaqtalyp jatpaǵanyn aıtýymyz kerek. Máselen, keshkisin Aqkól qalasynan Dombyraly aýylyna jaıaý shyqqan jıyrma bes jasar Vıtalıı Krıkovlıýkti izdestirý eki táýlikke sozylǵanymen nátıje bermeı tur.
Qar qursaýyndaǵy keptelis saldarynan joldy tazartý jumystary qıyndaı túsýde.
Baqbergen AMALBEK,
«Egemen Qazaqstan».
Aqmola oblysy.