Olımpıadanyń bastalýyna sanaýly kúnder qalǵanda eki reseılik jáne bir lıtvalyq bıatlonshy dopıng-synamadan óte almaı, jarystan shettetildi. Bul týraly egemen.kz tilshisi habarlady.
Halyqaralyq bıatlonshylar odaǵynyń málimdeýinshe, dopıng-synama sportshylardan ótken jyldyń jeltoqsan aıynyń sońǵy aptasynda alynǵan. Ázirge atalǵan mekeme «B» synamasynyń qorytyndysy shyqpaıynsha, bıatlonshylardyń esimderi men olardyń qabyldaǵan preperattardyń atyn jarııalamaýdy jón kórip otyr. Reseılik jáne lıtvannyń tekserýden óte almaǵany týraly Halyqaralyq bıatlonshylar odaǵy Halyqaralyq Olımpıada komıtetin habardar etti. Endi osy másele boıynsha Reseı bıatlonshylar odaǵy arnaıy komıssııa quryp, tergeý júrgizetin bolady. Esterińizde bolsa, sońǵy ret Reseı sportshylarynyń arasynda dopıngke qatysty daý 2008 jyly shyqqan edi. Sol kezde Dmıtrıı Iаroshenko, Albına Ahatova men Ekaterına Iýreva tekserýden óte almaǵan bolatyn.
Dastan Kenjalın.
Derekkóz:http://www.eurosport.ru
Foto:http://www.eurosport.ru