Shyǵys Qazaqstan oblysy boıynsha Sybaılas jemqorlyqqa qarsy qyzmet kóliktik baqylaý ınspeksııasynyń 11 qyzmetkerinen turatyn qylmystyq top qyzmetiniń jolyn kesti. Qylmystyq shemany ınspeksııa bólimderiniń biriniń basshysy uıymdastyrǵan.
Atalǵan laýazymdy tulǵalar óńirdegi jalpy qamqorlyq pen kedergisiz júrip-turý úshin júk tasymaldaý salasyndaǵy kásipkerlerden para alyp kelgen eken. Para somasy 10 000-nan 50 000 teńgege deıingi aralyqty quraǵan. Ony júk kóligi júrgizýshileri qol alysý kezinde Inspeksııa qyzmetkerlerine berip otyrǵan. Alynǵan paralardyń kúndelikti aınalymy 150 myńnan 500 myń teńgege deıin barǵan.
Sybaılas jemqorlyqqa qarsy is-qımyl agenttiginiń habarlaýynsha, aqsha aýdarymynyń barlyǵy 20-dan astam epızody qujattaldy. 4 adamǵa qatysty sot «qamaýǵa alý» bultartpaý sharasyn tańdady, qalǵan laýazymdy tulǵalar kinásin tolyq moıyndady jáne tergeýmen belsendi yntymaqtastyqqa keldi.
Qazirgi ýaqytta agenttik atalǵan qylmystyq shemany joıý jáne osyǵan uqsas jemqorlyq quqyq buzýshylyqtaryn jasaýǵa jol bermeý boıynsha keshendi aldyn alý jumystaryn bastady.
Sybaılas jemqorlyqqa qarsy qyzmet sondaı-aq qazir Aýyl sharýashylyǵy mınıstrliginiń Agroónerkásiptik keshenindegi memlekettik ınspeksııa komıtetiniń «Fıtosanıtarııa» ShJQ RMK basshylyǵyna qatysty aıtarlyqtaı mólsherde para alý faktisi boıynsha qylmystyq isti tergep jatyr.
Atalǵan tulǵa «Fıtosanıtarııa» ShJQ RMK-nyń 11 aýmaqtyq fılıalyna jetkiziletin taýarlardy qabyldaý-berý aktilerine kedergisiz qol qoıǵany jáne jalpy qamqorlyǵy úshin jetkizýshi kompanııalardyń ókilinen aıtarlyqtaı mólsherde para alǵany úshin aıyptalýda.
Barlyq ustalǵan adam tergeýmen yntymaqtastyqqa keldi jáne moıyndaý aıǵaqtaryn berýde. Kúdiktiniń kinási týraly túkpilikti sheshimdi sot shyǵarady. О́zge aqparat tergeý múddesinde jarııa etilmeıdi.