Reseıde muǵalim men tártip saqshysyn atyp óltirgen oqýshy ómir boıyna bas bostandyǵynan aıyrylýy múmkin dep habarlaıdy 24.kz.
Reseı quqyq qorǵaýshylary Máskeýdegi №263 mekteptiń oqýshylaryn tutqynǵa alǵan kúdiktiniń tulǵasyn anyqtady. Ol joǵarǵy synyp oqýshysy Sergeı Gordeev bolyp shyqty.
Tergeý komıtetiniń atap ótkenindeı, S.Gordeev mektep kúzetshisin qarýmen qorqytyp, bilim oshaǵyna basyp kirgen. Artynan ol joǵary synyp oqýshylary otyrǵan bólmege kirip, geografııa pániniń muǵalimin atyp óltirdi. Bul jetkinshek oqıǵa ornyna kelip jetken tártip saqshylaryna da oq atqan. Sol kezde bir polıseı mert bolyp, taǵy bireýi jaraqat alǵan.
Aldyn ala aqparat boıynsha, S.Gordeev buǵan deıin de ustazymen janjaldasyp qalǵan kórinedi. Jıyrmadan astam oqýshyny tutqynda ustap otyrǵan aıypkerdi polısııaǵa berilýge onyń ákesi kóndirgen. Ol tártip saqshylarymen birge kelissózder júrgizgen bolatyn.
Qazir ustalǵan kúdiktige qatysty qylmystyq is qozǵalyp,tergeý amaldary júrgizilýde.
Aıdar О́risbaev.
Derekkóz: 24.kz.
Foto: Vk.com.