Qazaqstan Qarýly Kúshteri Áýe qorǵanysy kúshteri bas qolbasshysynyń basqarmasynda sybaılas jemqorlyqqa qarsy zańnamany oryndaý, áskerı qyzmetshilerdiń belgilengen normalardy, shekteýler men mindettemelerdi saqtaý jónindegi komıssııanyń otyrysy bolyp ótti.
Áskerı polısııa bas basqarmasynyń ókilderi áskerı qyzmetshilermen jemqorlyqqa qarsy qyzmettik minez-qulyq standarttarynyń saqtalý máseleleri boıynsha sabaq ótkizdi.
Memleket basshysy Nursultan Nazarbaev óziniń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýynda sybaılas jemqorlyqqa qarsy jańa strategııany qalyptastyrý jáne iske asyrýdy jalǵastyrý mindetin belgilep berdi, sondaı-aq, minsiz minez-qulqymen jáne joǵary kásibı deńgeıimen erekshelenýge tıis zor ókilettilik pen quqyq ıelengen shendilerge nazar aýdarǵan bolatyn.
Komıssııa otyrysy barysynda «senim telefondary» boıynsha azamattardyń ótinishterimen jumys isteýge erekshe nazar aýdaryldy, sybaılas jemqorlyq týraly aqparat anyqtalǵan jaǵdaıdaǵy jaýapkershilik túsindirildi.
Bul komıssııanyń qyzmeti laýazymdy adamdardyń óz jumysy úshin jaýapkershilik dárejesin arttyrýǵa jáne ony odan ári móldir etýge baǵyttalǵan.
«Egemen-aqparat».