Mańyzdy jıyn

Almatyda «Memlekettik qyzmet­­tiń personalyn basqarýdy jetildirýdiń basymdyqtary» taqyrybynda ǵylymı-tájirı­belik semınar ótti. Oǵan memle­kettik organdardyń perso­nal­dy basqarý qyzmetteriniń (kadrlyq qyzmetter­diń) basshylary, Almaty qalasy jáne Alma­ty oblysy boıynsha ortalyq organdar­dyń aýmaqtyq bólimshe­leriniń ókilderi, Qa­zaqstan Prezıdenti janyndaǵy Memle­ket­tik bas­qarý akademııasynyń, Halyqaralyq bız­nes akademııa­sy­nyń, Bilim jáne ǵylym mı­nıstr­liginiń ókilderi qatysty. Jańa jaǵdaılarda memlekettik qyzmettiń personalyn basqarý júıesin jetildirý týraly baıandamamen Memlekettik qyzmet isteri agenttiginiń memlekettik qyzmettiń personalyn basqarý bólimi meńgerýshisiniń orynbasary Alma Quljambekova sóz sóıledi. Semınar jumysyna, sonymen qatar, sheteldik sarapshy – Qazaq-nemis ýnıversı­te­tiniń dekany, germanııalyq professor Bodo Lohman qatysty. Ol Germanııanyń memlekettik qyzmettiń personalyn basqarý boıynsha tájirıbesi týraly aıtyp berdi. Semınardyń maqsaty «Qazaqstan-2050» Strategııasynda qoıylǵan mindettermen, Qazaqstan Prezıdentiniń «Qazaqstan joly – 2050: bir maqsat, bir múdde, bir bolashaq» atty Qa­­zaqstan halqyna Joldaýymen, sonymen qa­tar, Qazaqstan Respýblıkasynyń memle­­ket­tik qyzmet týraly jańa zańnamasy­men anyq­taldy. Prezıdenttiń Qazaqstan halqyna arnaǵan bıylǵy Joldaýynda eldiń memlekettik kadrlyq saıasatyn ary qaraı jetildirýdiń mańyzdy baǵyttary aıqyndaldy. 2013 jyly aýyldyq okrýgterdiń, aýdandyq mańyzy bar qalalardyń, aýyldardyń, selolardyń ákimderin saılaý ótti, olardyń qyzmetteri men shtattary birshama keńeıip, ókilettilikteri ózgerdi. Endi ortalyq memlekettik organdardyń aýdandyq, qalalyq jáne aýmaqtyq bólimsheleri deńgeıinde biryńǵaı kadrlyq qyzmetter quryldy. Budan buryn aýdandyq jáne aýyldyq deńgeıde 5 myńdaı adam negizgi qyzmetin «kadrshy» mindetterin oryndaýmen birge atqardy. Búgingi kúni qalalarda jáne aýdandarda kadrlyq jumysty júıelendirý úshin biryńǵaı personaldy basqarý qyzmetteri qurylǵan, olardyń jalpy shtattyq sany – 515 adam. Jańa zańnamamen memlekettik qyzmet salasynda tálimgerlik, rotasııa, taǵylymdama, memlekettik qyzmetshilerdiń jumys sapasyn baǵalaý men mansabyn josparlaý jáne basqa da ınstıtýttar qarastyrylǵan. Semınar seksııasynyń jumysy barysynda taqyryptyq máselelerdi talqylaý boıynsha kishi toptarda jumystar júrgizildi. Kishi toptar moderatorlarynyń prezentasııa­lary nátıjeleri boıynsha memlekettik organdar, aýdandar jáne oblystar deńgeıinde memlekettik qyzmettiń personalyn basqarý­dy jetildirý boıynsha usynystar men tájirıbelik sharalar daıyndaldy. «Egemen-aqparat».