Strategııadan týyndaıtyn mindetter

Aqtaýda ótken aktıv jıynynyń basty taqyrybyna aınaldy

El arasynda jıi júretindik­ten soń pikirlerge de qanyqpyz. Jurt­shylyq bıylǵy Joldaýdyń jyldaǵylardan erekshe bolǵan­dy­ǵyn aıtýda. Olar Joldaýdyń keń aıtylyp, tez taralýyn halyqqa jaǵymdy estilip, ońtaıly kelgen tustary az emes ekendigimen túsindiredi jáne óz kezekterinde pikirlerin aıtýdan qalys qalmaýda. Qazaqstan Respýblıkasy Par­la­­menti Senatynyń Tóraǵasy Qa­sym-Jomart Toqaevtyń munaıly ólkege keshegi sapary dál osyndaı kezeńmen tuspa-tus keldi. Tóraǵa Mem­leket basshysynyń «Qazaq­stan joly – 2050: bir maqsat, bir múd­­de, bir bolashaq» Joldaýyn ha­lyqqa túsindirý maqsatyndaǵy sa­paryn Aqtaý qalasynda oblys ak­tıvimen kezdesýmen bastady. Al­ǵashqy sózdi alǵan aımaq basshy­sy Alık Aıdarbaev astanalyq dele­gasııaǵa Mańǵystaý óńiriniń áleý­met­tik-ekonomıkalyq damý yrǵaǵy men Elbasy Joldaýyn nasıhattaý, túsindirý baǵytynda jasalyp jat­qan­ jumystar barysynan habardar etti. Joldaý jaıly aýqymdy baıandama jasaǵan Q.Toqaev: – О́zderińiz bilesizder, ótken jyly Elbasy jarııalaǵan «Qazaq­stan-2050» Strategııasy júzege asyryla bastady. Bıylǵy Joldaý osy Strategııanyń basty maqsaty – álemniń damyǵan 30 eliniń qataryna kirýdiń naqty josparyn jan-jaqty baıandap berdi. Bul sanatqa enýimiz úshin biz jahandyq básekege tótep be­rýimiz kerek. Elimizde tabysqa je­týdiń alǵysharttary tolyǵymen qalyptasqan. Elimizdiń damý deń­geıi álemdegi oń úrdisterdiń bet­alysymen tolyq sáıkes keledi, – dep kúlli qazaqstandyqtardy uıys­ty­ryp, alys bolashaqqa bastaıtyn «Máńgilik El» ıdeıasyna toqtaldy. Senat Tóraǵasynyń aıtýynsha, Máńgilik Elge aınalý úshin árbir qazaqstandyq tynbaı, nátıjeli eńbek etýi qajet. Taıaýdaǵy 15 jylda ǵylymǵa negizdelgen ekonomıkany qalyptastyrý arqyly Qazaqstannyń turaqty damýy qamtamasyz etilýi tıis. Bul mindet shyn mánisinde ınnovasııalyq sıpatqa ıe, óıtkeni, ol elimizdiń ındýstrııalyq jaǵynan damyǵan álemge kirýin kózdeıdi. Sondaı-aq, Joldaýdaǵy ulttyq damýdyń jeti basymdyǵyna toqtalǵan Q.Toqaev olardyń árqaısysynyń óte mańyzdy ekendigin jáne kúrdeli mindetter júkteıtindigin, sondyqtan jospardy berik ustanyp, tapsyrylǵan mindetterdi oryndaýǵa barsha bolyp jáne barynsha jumylý qajettigin aıtty. Memleketimizdiń uzaqmerzimdi damýyn qamtamasyz etetin «Qazaqstan-2050» Strategııasyn júzege asyrýdaǵy Parlamenttiń róli týraly aıtqan Senat Tóraǵasy atalǵan qujatty zańnamalyq jaǵynan sapaly qamtamasyz etý mindeti turǵanyn atap ótti. – Memlekettiń saıası júıesindegi Parlamenttiń alatyn orny erekshe. Basqa eldermen, onyń ishinde keıbir demokratııalyq eldermen salystyrǵanda, elimizdiń zań shyǵarýshy organyna eleýli ókilettikter berilgen, – degen Qasym-Jomart Kemeluly Parlamenttiń joǵarǵy palatasynyń jergilikti bılik organdarymen ózara tyǵyz is-qımyly, Senattyń negizgi quramy óńirlerdiń ókilderinen quralatynyn aıta kelip, «óńirlerdiń múddesi dál osy Senatta tıimdi eskeriledi», dedi. Senatta óńirlerdi damytý jáne ulttyq zańnamany jetildirý boıynsha memlekettik saıasatty, Prezıdenttiń bastamalaryn túsindirý men nasıhattaý maqsatyndaǵy «О́ńir» depýtattyq tobynyń jumys isteıtindigin aıtyp, 2013 jyly Parlament Senaty atqarǵan jumystar barysyn jáne jaqyn ýaqytta atalǵan strategııany júzege asyrýǵa qatysty qaralatyn zań jobalary bar ekendigin atap kórsetti. Joldaýdaǵy ınnovasııalyq ındýstrııa­landyrý, agroónerkásiptik keshenniń tıimdiligin arttyrý, aglomerasııany, kóliktik ınfraqurylym men energetıkany, shaǵyn jáne orta kásipkerlikti damytý, memlekettik ınstıtýttar qyzmetin jetildirý týraly aıta kelip, ǵylymǵa negizdelgen ekonomıka qurý týraly tapsyrmaǵa arnaıy toqtaldy. Mańǵystaý – jan basyna shaqqandaǵy jalpy ónimniń kórsetkishi boıynsha elimizdegi eń joǵary aımaqtardyń biri. Munaı men gazdyń asa baı qory bar, elimizdegi munaıdyń tórtten bir bóligi óndiriletin, iri otandyq jáne sheteldik kompanııalardyń qarjylyq múddeleri shoǵyrlanǵan Mańǵystaýdyń munaıy men gazynyń quramdas bólikteri álemde eń kóp suranysqa ıe bolyp otyrǵan ónerkásip – munaı-hımııa salasyn damytý úshin naqty múmkindikter týǵyzady. Sol kúni Senat Tóraǵasy, «Nur Otan» partııasy Saıası keńesi bıýrosynyń múshesi Q.Toqaev «Nur Otan» partııasy oblystyq fılıalynyń múshelerimen, «Jas Otan» ókilderimen kezdesip, partııa músheleri aldyna N.Nazarbaevtyń jyl saıynǵy Joldaýynda jáne «Nur Otannyń» XV sezinde aıtqan tapsyrmalaryn oryndaý jóninde birqatar mindetter qoıdy. Partııanyń Memleket basshysy alǵa qoıǵan mindetterdi iske asyrýǵa qoǵamdy jumyldyrýǵa, túsindirme jumystaryn júrgizýge mindettiligimen qatar, qarapaıym adamdardyń naqty máselelerin sheshý, olardyń quqyqtaryn qorǵaý, múmkindigi shekteýli azamattarǵa jasalatyn qamqorlyq, sybaılas jemqorlyqpen kúres jónindegi jumystardyń mańyzdylyǵyn atap kórsetti. Q.Toqaev Sh.Esenov atyndaǵy Kaspıı memlekettik tehnologııa jáne ınjınırıng ýnıversıtetiniń stýdentteri jáne professorlyq-oqytýshylar quramymen, «Magabred» JShS nan zaýytynyń eńbek ujymymen kezdesti. Senat Tóraǵasynyń sózine pikir qosqan jergilikti azamattar usynystaryn da umyt qaldyrǵan joq. Joǵarǵy palata Tóraǵasy usynystardy aıaqsyz qaldyrmaýǵa tyrysatyndyǵyn jetkizdi.  Gúlaıym ShYNTEMIRQYZY, «Egemen Qazaqstan». Mańǵystaý oblysy