Memleket basshysy Nursultan Nazarbaev Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshevti qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Á.Isekeshev Memleket basshysyna mınıstrliktiń 2013 jylǵy jumys qorytyndylary, sonyń ishinde Údemeli ındýstrııalyq-ınnovasııalyq damý baǵdarlamasyn iske asyrý jáne Indýstrııalandyrý kartasynyń jobalary, sondaı-aq, bıylǵy jylǵa arnalǵan josparlar týraly baıandady.
Atap aıtqanda, Á.Isekeshev ónerkásiptiń arqaýlyq salalarynyń ósý qarqyny, salalyq baǵdarlamalardy júzege asyrý jáne ındýstrııalandyrý aıasynda bıznesti qoldaýdyń negizgi sharalary jaıly habardar etti.
Qazaqstan Prezıdenti ónerkásipti, elektr energetıkasyn, arnaıy ekonomıkalyq aımaqtardy odan ári damytýdy, sondaı-aq, sheteldik ınvestısııalar tartýdy qamtamasyz etý qajettigine nazar aýdardy. Nursultan Nazarbaev Údemeli ındýstrııalyq-ınnovasııalyq damý baǵdarlamasynyń ekinshi besjyldyǵy jobasynyń ınnovasııalyq qamtylýyn eskere otyryp, sapaly ázirleýdiń mańyzdylyǵyn atap ótti.
Kezdesý qorytyndysynda Memleket basshysy birqatar naqty tapsyrmalar berdi.
Sýretti túsirgender S.BONDARENKO, B.OTARBAEV.