2013 jylǵy 20 qarasha, Astana qalasy
Qazaqstan Respýblıkasy ádilet organdary memlekettik qyzmetshileriniń
qyzmet etıkasynyń qaǵıdalaryn bekitý týraly
«Qazaqstan Respýblıkasy memlekettik qyzmetshileriniń ar-namys kodeksi týraly» Qazaqstan Respýblıkasy Prezıdentiniń 2005 jylǵy 3 mamyrdaǵy № 1567 Jarlyǵyna ózgerister engizý týraly» Qazaqstan Respýblıkasy Prezıdentiniń 2013 jylǵy 1 qazanyndaǵy № 651 Jarlyǵynyń 2 - tarmaǵyn oryndaý úshin buıyramyn: 1. Qazaqstan Respýblıkasy ádilet organdary memlekettik qyzmetshileriniń qyzmet etıkasynyń qaǵıdalary bekitilsin. 2. Qazaqstan Respýblıkasy Ádilet mınıstrliginiń Kadr qyzmeti departamenti osy buıryqty Qazaqstan Respýblıkasy ádilet organdary qyzmetkerleriniń árqaısysyna jetkizýin qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasy Ádilet mınıstrliginiń Jaýapty hatshysyna júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Mınıstr B.IMAShEV. Qazaqstan Respýblıkasynyń Ádilet mınıstriniń 2013 jylǵy 20 qarashadaǵy №362 buıryǵymen bekitilgen Qazaqstan Respýblıkasynyń ádilet organdarynyń memlekettik qyzmetshileriniń qyzmet etıkasynyń qaǵıdalary 1. Qazaqstan Respýblıkasynyń ádilet organdarynyń memlekettik qyzmetshileriniń qyzmet etıkasynyń qaǵıdalary (budan ári – Qaǵıdalar) Qazaqstan Respýblıkasy Prezıdentiniń 2013 jylǵy 1 qazandaǵy № 651 «Qazaqstan Respýblıkasy memlekettik qyzmetshileriniń ar-namys kodeksi týraly» (budan ári – Ar-namys kodeksi) Qazaqstan Respýblıkasy Prezıdentiniń 2005 jylǵy 3 mamyrdaǵy № 1567 Jarlyǵyna ózgerister engizý týraly» Jarlyǵynyń 2-tarmaǵyna, Qazaqstan Respýblıkasynyń «Memlekettik qyzmet týraly» Zańyna jáne sáıkes ázirlengen (budan ári – Qaǵıda) Jarlyєyna Zańy jáne Qazaqstan Respýblıkasynyń «Sybaılas jemqorlyqpen kúres týraly» Zańyna (budan ári – memlekettik qyzmet salasyndaǵy jáne sybaılas jemqorlyqpen kúres týraly zańnama) sáıkes ázirlengen. 2. Qaǵıdalar memlekettik qyzmetshilerdiń jáne Qazaqstan Respýblıkasy Ádilet mınıstrliginiń jáne onyń aýmaqtyq bólimsheleriniń (budan ári – ádilet organdarynyń memlekettik qyzmetshileri) ózderiniń qyzmettik mindetterin oryndaý barysynda, áriptesterimen jáne azamattarmen ózara qarym-qatynastardaǵy negizgi minez-qulyq normalaryn anyqtaıdy. 3. Ádilet organdarynyń memlekettik qyzmetshileri óz qyzmetinde: 1) memlekettik qyzmet salasynda zańdylyq qaǵıdatyn, Qazaqstan Respýblıkasy Konstıtýsııasynyń, zańdary men ózge de normatıvtik quqyqtyq aktileriniń talaptaryn basshylyqqa alýy; 2) adaldyq, tártiptilik, jaýapkershilik, belsendilik, bastamashylyq tanytýy jáne kelissózder (kezdesýler) barysynda basqa adamdarǵa shydamdylyq, sypaıylyq, ádeptilik jáne qurmet tanytýy; 3) shyqqan tegine, áleýmettik, laýazymdyq jáne múliktik jaǵdaıyna, jynysyna, násiline, ultyna, tiline, dinge qatynasyna, senimine, turǵylyqty jerine jáne ózge de mán-jaılarǵa qaramastan, adamnyń jáne azamattyń ar-namysyn jáne qadir-qasıetin syılaýy; 4) Qazaqstan halqynyń birligi men eldegi ultaralyq kelisimdi nyǵaıtýǵa yqpal etýi, memlekettik jáne basqa da tilderge, Qazaqstan halqynyń salt-dástúrlerine qurmetpen qaraýy; 5) adal, ádil, qarapaıym bolýy, jalpy qabyldanǵan moraldyq-etıkalyq normalardy saqtaýy, azamattarmen jáne áriptestermen qarym-qatynasta sypaıylyq jáne ádeptilik tanytýy; 6) ujymnyń strategııalyq maqsattar men mindetterge qol jetkizýdegi birtutastyǵyna yqpal etýi; 7) qyzmettik mindetterin tıimdi atqarý úshin óziniń kásibı deńgeıin jáne biliktiligin arttyrýy; 8) óziniń is-áreketterimen qoǵam tarapynan negizdi synǵa sebepker bolmaýy, syn úshin qýdalaýǵa jol bermeýi, oryndy syndy kemshilikterdi joıý jáne óziniń qyzmetin jaqsartý úshin paıdalanýy; 9) óziniń mindetterin tıisti oryndaýy, jumysyn naqty qalyptasqan jaǵdaıdy eskerýmen uıymdastyrýy jáne josparlaýy; 10) jumys ýaqytyn tıimdi paıdalanýy jáne ujymdaǵy basqa memlekettik qyzmetshilerdiń eńbek mindetterin oryndaýyna kedergi keltiretin is-áreketterdi jasamaýy; 11) qyzmettik sýbordınasııany saqtaýy; 12) memlekettik menshiktiń saqtalýyn qamtamasyz etýi, avtokólik quraldaryn qosa alǵanda, ózine senip tapsyrylǵan memlekettik menshikti utymdy, tıimdi jáne tek qyzmettik maqsatta paıdalanýy; 13) Qazaqstan Respýblıkasynyń, memlekettik bıliktiń jáne ádilet organdarynyń bedelin túsirýge yqpal etetin is-áreketterdi jasamaýy; 14) óziniń qyzmettik mindetterin atqarý barysynda iskerlik kıim stılin ustanýy; 15) memlekettik qyzmetshilerdiń ózderiniń fýnksııalary men mindetterin atqarý kezindegi bastamashylyǵyn qoldaý jáne kótermeleý; 16) múddeler qaqtyǵysyn boldyrmaý jáne retteý boıynsha sharalardy qabyldaýy; 17) osy Qaǵıdalardyń talaptaryn buzý faktilerine qaǵıdatty túrde den qoıýy, aıyptynyń jaýapkershiligimen qatar óziniń jeke jaýapkershiligi týraly máseleni qoıýǵa daıyn bolýy tıis. 4. Ádilet organdarynyń memlekettik qyzmetshileri Ar-namys kodeksinde belgilengen sybaılas jemqorlyqqa qarsy minez-qulyqty saqtaýy tıis. Eger ádilet organdarynyń memlekettik qyzmetshisiniń óziniń qyzmettik mindetterin atqarý barysynda sybaılas jemqorlyqpen ushtasatyn nemese sybaılas jemqorlyqqa jaǵdaı jasaıtyn sybaılas jemqorlyq quqyq buzýshylyqtar týraly dáıekti aqparaty bolatyn bolsa, memlekettik qyzmet salasynda jáne sybaılas jemqorlyqpen kúresý týraly zańnamada belgilengen sharalardy qabyldaýy qajet. 5. Memlekettik qyzmetshiler memlekettik saıasat jáne qyzmet máseleleri týraly óziniń pikirin kópshilik aldynda bildirmeýi tıis, eger ol: 1) memleket saıasatynyń negizgi baǵyttaryna sáıkes kelmeıtin bolsa; 2) jarııa etýge ruqsat berilmegen qyzmettik qupııany ashatyn bolsa; 3) memlekettiń laýazymdy tulǵalarynyń, basqarý organdarynyń, basqa da memlekettik qyzmetshilerdiń atyna ádepke saı emes sózder qamtylatyn bolsa. 6. Jeke jáne zańdy tulǵalar ádilet organdarynyń memlekettik qyzmetshilerine júgingen kezde, olarda ádilet organdarynyń memlekettik qyzmetshileriniń minez-qulyq mádenıeti men biliktiligi týraly oń pikirdiń qalyptasýyna yqpal etýi tıis. 7. Ádilet organdarynda kadrlyq sheshimderdi, sondaı-aq memlekettik qyzmet jáne eńbek salasyndaǵy Qazaqstan Respýblıkasynyń Zańdamasynda belgilengen jaǵdaılardy qospaǵanda, proteksıonızmniń, jekelegen memlekettik qyzmetshilerge jasalatyn artyqshylyq men jeńildikterdiń kez kelgen túrin qabyldaý kezinde memlekettik qyzmetshilerdi kemsitýdiń kez kelgen túrine jol berilmeıdi. 8. Qyzmettik ýaqyttan tys kezde ádilet organdarynyń memlekettik qyzmetshileri: 1) jalpy qabyldanǵan moraldyq-etıkalyq normalardy ustanýy, qoǵamqa qarsy minez-qulyqqa jol bermeýi; 2) qoǵamdyq jaǵymsyz rezonans týdyratyn is-áreketterge jol bermeýi, óziniń bedeline nuqsan keltiretin minez-qulyqtan qalys qalýy; 3) ádilet organdarynyń qyzmetkeri joǵary ataǵyna kir keltiretin kez kelgen jeke baılanystardan aýlaq bolýy tıis. Qyzmetten tys qarym-qatynastarda ádilet organdarynyń memlekettik qyzmetshileri osy Qaǵıdalardyń talaptaryn jáne memlekettik qyzmet salasyndaǵy jáne sybaılas jemqorlyqqa qarsy kúres týraly zańnamany saqtaýy jáne ádilet organdarynyń memlekettik qyzmetshisiniń bedelin, qadir-qasıetin túsiretin nemese onyń adaldyǵyna, ádildigine, obektıvtiligi men alalamaýshylyǵyna kúmán týǵyzatyn barlyq nárseden aýlaq bolýy tıis. Buıryq Qazaqstan Respýblıkasynyń Ádilet mınıstrliginde 2013 jylǵy 14 jeltoqsanda Normatıvtik quqyqtyq kesimderdi memlekettik tirkeýdiń tizilimine №8964 bolyp engizildi.