Bıylǵy naýryz aıynyń sońynan bastap Dýbaıǵa barǵan saıahatshylar jergilikti qonaqúılerde ótkizgen ár túnge salyq tóleıtin bolady. Bul týraly Utro.ru habarlady.
Saıahatshylardan qosymsha salyq alýdy shahardaǵy barlyq qonaqúıler iske asyrady. Onyń quny demalys ornynyń sapasyna qaraı shamamen 250-800 teńgeni quraıdy. Qosymsha salyqty Dýbaı atqarýshy keńesiniń tóraǵasy, sheıh Mohammed bın Hamdan bekitken.
«The National» jýrnaly jazǵandaı, Birikken Arab Ámirlikteri bul salyqtan túsken qarjyny halyqaralyq týrızm men saýdany damytýǵa, sondaı-aq EXPO-2020 kórmesine ketetin shyǵyndy óteýge jumsamaq.
Jańa salyq Dýbaı kásipkerleriniń narazylyǵyn týǵyzyp úlgerdi. Olardyń aıtýynsha, qosymsha tólem saıahatshylardy jergilikti demalys oryndarynda az ýaqyt bolýyna májbúrleıdi. Degenmen, Dýbaı bıligin saıahatshylar jónindegi másele alańdatpasa kerek. Aldyn-ala esep boıynsha, halyqaralyq kórmeniń ótýine deıin mundaǵy qonaqúıler sanyn eki ese ulǵaıtý kózdelip otyr.
Aıdar О́risbaev.
Derekkóz: Utro.ru.
Foto: Hipway.ru.