Malaızııanyń qurylys ındýstrııasyn damytý jónindegi keńesiniń bas dırektory Dato Srı Djýddın Abdýl Karımniń basshylyǵymen malaızııalyq delegasııa jumys saparymen (CIDB) Qazaqstanda boldy.
Malaızııanyń qurylys ındýstrııasyn damytý jónindegi keńes delegasııasy (CIDB) qurylys salasyn retteıtin jáne malaızııalyq qurylys kompanııalarynyń shetel jobalaryna qatysýy máseleleri boıynsha kelissózder júrgizýge ókiletti mańyzdy memlekettik organ bolyp tabylady.
Malaızııa delegasııasynyń quramyna «CIDBHoldingsSdnBhd» keńesiniń «KazariahEnergyLLP» qazaqstandyq-malaızııalyq kásiporynmen birlesken kompanııa basshylary jáne Malaızııanyń Qazaqstandaǵy elshiliginiń qyzmetkerleri kirdi.
Sapar aıasynda Malaızııa delegasııasynyń Qazaqstan Syrtqy ister mınıstriniń birinshi orynbasary – EKSPO-2017 halyqaralyq mamandandyrylǵan kórmesiniń komıssary Rápil Joshybaevpen jáne «Astana EKSPO-2017» UK» AQ basqarma tóraǵasy Talǵat Ermegııaevpen kezdesýi ótti. Áńgime barysynda sońǵy kezdegi Qazaqstan men Malaızııa arasyndaǵy ekijaqty qatynastardyń damý qarqyny atap ótildi.
R.Joshybaev qazaqstandyq-malaızııalyq dostyq baılanystardyń damý dınamıkasyn atap óte otyryp, EKSPO-2017 kórmesin ótkizýde Astananyń kandıdatýrasyna qoldaý kórsetkenderi úshin alǵys aıtty jáne malaızııalyq kompanııalar kórmege daıyndyq sheńberinde jańa tehnologııalar men ınnovasııalyq sheshimder salasyndaǵy jetistikterdi laıyqty kórsete alatyndaryna senimin bildirdi.
T.Ermegııaev ulttyq kompanııa aldynda turǵan mindetter men kórmeni ótkizý boıynsha daıyndyq jumystary týraly aıtyp berdi. Ol, sondaı-aq, kompanııa ınnovasııalar men jańa tehnologııalardy engizý jobalaryn iske asyrý úshin áriptester tartý jónindegi máselelerge úlken mán beretinin aıtyp ótti. Atap aıtqanda, qazirden Samsung, HP jáne t.b. osyndaı kompanııalarmen kelissózder júrgizilip jatyr.
Qazaqstandyq tarap jel qondyrǵylaryn engizý máselelerine nazar aýdardy: kórmeniń bas pavılony aýmaǵynda birneshe qondyrǵy salý jáne Qazaqstannyń astanasynan alys emes jerde osyndaı taǵy 100-den asa qondyrǵy ornatý josparlanýda. D.Karım óz kezeginde bul salada úlken tájirıbesi bolǵandyqtan, onyń eli jel energııasyn paıdalaný boıynsha qondyrǵylardy salýda belsendi atsalysýǵa daıyn ekenin jetkizdi.
Budan bólek, malaızııalyq tarap týrısterge sapaly qyzmet kórsetýde mańyzdy ról atqaratyn, Astana úshin ekologııalyq taza tehnologııalardy paıdalaný men kólik ınfraqurylymyn damytýǵa qatysty jobalarǵa múddelilik tanytty.
Sapar sheńberinde malaızııalyq delegasııanyń Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshevpen, О́ńirlik damý mınıstri Bolat Jámishevpen, Astana qalasynyń ákimi Imanǵalı Tasmaǵambetovpen, Indýstrııa jáne jańa tehnologııalar mınıstrliginiń jaýapty hatshysy Beıbit Atamqulovpen, Qarjy mınıstrliginiń jaýapty hatshysy Natalıa Korjovamen, «KAZNEX INVEST» Eksport jáne ınvestısııa jónindegi Ulttyq agenttigi» AQ basqarmasynyń tóraǵa orynbasary Qaırat Qarmanovpen jáne basqa da isker top ókilderimen kezdesýleri ótti.
Malaızııalyq delegasııa sapary baǵdarlamasynyń mańyzdy bóligi «KAZNEX INVEST» EIUA» AQ pen «CIDBHoldingsSdn.Bhd.» keńesiniń ınvestısııalyq bólimshesi arasynda Aqparat almasý salasyndaǵy ózara túsinistik týraly memorandýmǵa qol qoıý boldy.
«Egemen-aqparat».