Bul týraly QR Sybaılas jemqorlyqqa qarsy agenttik habarlady, dep jazady Egemen.kz.
Aqtóbe oblysynda aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń «Respýblıkalyq veterınarııalyq zerthana» ShJQ RMK oblystyq fılıalynyń dırektory men osy fılıaldyń basqa da qyzmetkerlerine qatysty sotqa deıingi tergeý júrip jatyr.
«Atalǵan fılıaldyń laýazymdy tulǵalary aýdandyq veterınarlyq zerthanalardy jóndeý boıynsha oryndalǵan jumystardyń aktilerine kedergisiz qol qoıý úshin merdiger uıymnyń dırektorynan jalpy somasy 1 mln 800 myń teńgeden astam júıeli negizde para aldy degen kúdikke ilindi», dep jazylǵan habarlamada.
Kúdiktilerge qatysty «kúzetpen ustaý» túrindegi bultartpaý sharasy sanksııalandy.