Qaraǵandy oblysy Shahtınsk qalasyndaǵy meshit qulaýdyń az-aq aldynda tur. Bul týraly «31 arna» habarlady.
Meshittiń syrtqy qabyrǵasynyń sylaqtary qulap, Quran baǵyshtaıtyn bólmeniń qaq ortasynan bólinýine de az qalypty. On jeti jyl buryn salynǵan qasıetti úıge kúrdeli jóndeý júrgizilmegeli birneshe jyl bolǵan eken. Sondyqtan kópshilik meshittiń ishi sýyq bolǵandyqtan, duǵa baǵyshtaıtyn jerde syrt kıimsiz otyrý múmkin emes deıdi.
Jergilikti bılik tarapynan qozǵaý bolmasa, apatty jaǵdaıda turǵan meshitti jóndeý máselesi jaqyn arada sheshilmeıtin syńaıly. Al kásipkerlerden jınalatyn qarajatqa úmit artyp otyrǵan qalalyq meshittiń bas ımamy alańdaýǵa negiz joq ekenin alǵa tartady.
Ámirhan Almaǵanbetov.
Derekkóz: «31 arna».
Foto: «31 arna».