Qostanaı memlekettik pedagogıkalyq ınstıtýtynyń
oqytýshylary men stýdentteri osyndaı ortaq pikirge toqtady
Qostanaı memlekettik pedagogıkalyq ınstıtýtynda ustazdar men stýdentter Elbasy Nursultan Nazarbaevtyń Qazaqstan halqyna «Qazaqstan joly – 2050: bir maqsat, bir múdde, bir bolashaq» atty bıylǵy Joldaýyn talqylaýǵa jınaldy. Instıtýt rektory Qýat Baımyrzaev Joldaýdyń jáne «Máńgilik El» ıdeıasynyń mańyzyna toqtaldy.
– Elbasy Nursultan Nazarbaev 2012 jyldyń aıaǵynda Qazaqstan halqyna «Qazaqstan-2050» Strategııasy – qalyptasqan memlekettiń jańa saıası baǵyty» atty tarıhı Joldaýyn joldaǵan bolatyn. Bıylǵy «Qazaqstan joly – 2050: bir maqsat, bir múdde, bir bolashaq» atty bıylǵy Joldaýynda 2050 jylǵa deıingi strategııalyq maqsattardy iske asyrý, onyń oryndalý joldaryn kórsetti. Bıylǵy Joldaý da tarıhı mańyzǵa ıe. О́ıtkeni, osy qujatta Elbasy «Máńgilik El» ıdeıasyn alǵa tartty. Bolashaqta álemdegi ozyq 30 eldiń qatarynan kórinýimizdi maqsat etip qoıdy. Ol úshin elde óte kóp jumystar atqarylatyn bolady. Ony atqaratyn búgingi jas urpaq, stýdentter, erteńgi mamandar, sizder bolasyzdar, – dedi Qýat Maratuly. Munan keıin bilim ordasynyń oqytýshylary men stýdentteri sóz alyp, Joldaýdy talqylady, óz pikirlerin ortaǵa saldy. – Elbasy Nursultan Nazarbaev óziniń barlyq Joldaýlarynda memlekettiń myqty bolýy bilim men ǵylymdy damytýǵa baılanysty ekenin aıtyp keledi. Osy joly da: «HHI ǵasyrdaǵy damyǵan el degenimiz – belsendi, bilimdi jáne densaýlyǵy myqty azamattar. Bul úshin biz ne isteýimiz kerek? Birinshiden, barlyq damyǵan elderdiń sapaly biregeı bilim berý júıesi bar. Ulttyq bilim berýdiń barlyq býynynyń sapasyn jaqsartýda bizdi aýqymdy jumys kútip tur» deı kelip, Nursultan Ábishuly atqarylar jumystardy saralap berdi. «Úlgerimi jaqsy stýdentter men oqýshylardy qoldaýdyń tıimdi júıesin jasaý qajet dep sanaımyn. Úkimetke 2016 jylǵy 1 qańtardan bastap stıpendııalar mólsheriniń 25 paıyzǵa ósirilýin qamtamasyz etýdi tapsyramyn» degen sózi bizge qanat bitirgendeı boldy. Bul bilim qýǵan stýdent jastar úshin ákelik qamqorlyq emes pe? – dedi taza qazaq tilinde sóılegen shet tilderi fakýltetiniń 4-kýrs stýdenti Alla Gavrına. Munan keıin ol Qostanaı pedagogıka ınstıtýtyndaǵy stýdentterge arnalǵan áleýmettik kómekke de toqtalyp ótti. Kópbalaly otbasynda ósken Allanyń ózi de qazir jataqhanamen qamtamasyz etildi, ınstıtýt grantymen bilim alýda. Munan keıin ınstıtýttyń oqý jáne ádistemelik jumystar jónindegi prorektory Muhtar Tólegen, tarıh jáne óner fakýltetiniń 4-kýrs stýdenti Qazman Rátbek, ǵylym jáne sheteldermen baılanys jónindegi prorektor Erkin Ábil, bilim ordasynyń jastar isi jónindegi komıtetiniń basshysy Oljas Dúısekov jáne basqalar Joldaýda aıtylǵan mańyzdy máselelerge óz pikirlerin qosty. Olardyń barlyǵy da Qazaqstannyń damyp, 30 eldiń qatarynan kórinýi úshin Elbasy tapsyrǵan ǵylymı qamtymdy ekonomıkany damytý, ǵylymǵa bilikti ǵalymdar kelý kerektigine toqtaldy. Al ǵylym ınemen qudyq qazǵandaı bilimniń arqasynda ǵana jalynan sıpatady. Sondyqtan Joldaýda Elbasy alǵa qoıǵan maqsattar údesinen shyǵý úshin ár stýdenttiń talmaı izdenip, ǵylymı-zertteý jumystaryna, jobalardy júzege asyrýǵa belsene kirisý kerektigi aıtyldy. Jas urpaq boıynda bilim negizin qalaıtyn bolashaq ustaz bolǵandyqtan, pedagogıka ınstıtýtyndaǵy ár stýdent bilimge degen qushtarlyǵyn da, eńbegin de eseleý kerektigi týraly ortaq toqtamǵa uıydy. «Máńgilik El» ıdeıasy bilimniń arqasynda múmkin bolady. Názıra JÁRIMBETOVA, «Egemen Qazaqstan». QOSTANAI.